3º e 4º visitan San Simón

 

3º e 4º visitan o Museo do Mar

4º vai de paseo

 O xoves 18 a clase de 4º  despedimos a semana escolar cunha saída: un paseo polo sendeiro de Rialdarca e chegada ao parque de A Xunqueira e tamén á praia.

Despois de merendar fomos á praia e a gozar descalzos!!!

Corremos pola area, fixemos unha machada prehistórica,  construímos un castelo, excavamos un burato enorme, fixemos acrobacias, ... Pasamos a mañá en grande.

4º visita San Martiño

 O pasado xoves, 15 de outubro, a clase de 4º subimos andando desde o cole ata a igrexa de San Martiño. Xa buscaramos información sobre ela en internet. Sabiamos  que era unha igrexa construída en estilo románico e que había unha inscripción en latín na porta lateral dereita. Cando estabamos a punto de vela achegouse a nós un señor que dixo que el traducira a frase e que se queriamos nos podía falar da inscrición e de como fixera para traducila. Contounos que  se chamaba José Benito Rodríguez Parada, que era profesor de latín xubilado e que lle gustaba facer estes traballos de investigación. André Comesaña xa nos dixera o que dicía  e comprobámolo da man do seu tradutor.

Dámoslle as grazas pola amabilidade que tivo con nós.

A inscrición di: 

Esta igrexa foi mandada construir o domingo 7 de 1197  para min e para todas as familias .

4º e a visita ao Museo de Pontevedra

O pasado martes 11 de  decembro 3º e 4º de Primaria fomos de visita ao Museo de Pontevedra.

No autobús non paramos de cantar. Cando chegamos deixamos as mochilas e os abrigos nunha cesta grande e cada clase foi para a súa parte da visita. Nós tivemos un guía chamado Luís que nos levou pola sección da Prehistoria e dos inicios da Historia no edificio Sarmiento. Falounos das normas de comportamento durante a visita e pasamos do 6º edificio ao Sarmiento por unha pasarela cuberta. Empezou poñéndonos un vídeo do Paleolítico á Idade dos Metais. Despois mostrounos o tesouro de Caldas, falounos dos homínidos, vimos e tocamos armas, puxemos torques para ser coma guerreiros e guerreiras, vimos dous esqueletos da Idade Antiga, a espada gladios dos romanos, ... Non seguimos porque escribirIamos moito.

Ao acabar a visita fomos dando un paseo ata a Praza da Ferrería para merendar e xogar. De camiño pasamos pola Praza da Leña onde están os dous edificios nos que empezou o museo e agora están reformando.

Pasámolo moi ben!

Monumentos de Moaña

O pasado martes 23 de febreiro, os alumnos e alumnas de 3º andivemos de ruta por Moaña coñecendo os seus monumentos máis emblemáticos! 
Esta visita forma parte do programa "Aprende Moaña", unha iniciativa da Concellaría de Ensino.

Velaquí van algunhas fotiños:

Viaxe á Coruña

O 18 de febreiro os cursos de 4º, 5º e 6º fomos de viaxe á cidade da Coruña.
 Visitamos dous dos seus museos máis famosos: Domus e Aquarium.
 Antes de volver achegámonos á Torre de Hércules; pero, a chuva non nos deixou estar moito tempo. Aquí vos deixamos unha chea de fotos que demostran o ben que o pasamos.

O alumnado de cuarto curso visita o Concello

Dentro das actividades de Aprende Moaña, o alumnado de 4º curso visitou o Concello de Moaña para coñecer o seu funcionamento e realizar á alcaldesa, Leticia Santos, varias preguntas preparadas en clase e nos seus fogares.
A alcaldesa e a tenente de alcalde  Marta Freire, responderon as preguntas dos nenos e nenas, que sobre todo xiraban en torno a temas como melloras en parques infantís e en zonas verdes
Tamén viron as dependencias do Concello, presentaron un escrito por rexistro, comprobaron que estaban no padrón municipal, visitaron as dependencias da Policia municipal e os calabozos.
Pasáronno moi ben!

Espantallo amigo

Os nenos e nenas de 3º, 4º, 5º e 6º fomos ver a representación do "Espantallo amigo" no auditorio do IES As Barxas. Pasámolo moi ben!

Castelo de Soutomaior

Os nenos de 3º e 4º visitaron o CASTELO DE SOUTOMAIOR coma actividade final do proxecto Construimos.

Saída a Vigo

O segundo ciclo fomos de excursion a Vigo.Visitamos o museo Salinae e unha exposicion sobre os plasticos e o mar na fundacion Barrié.

Coñecemos os nosos ríos

O venres pasado toda a clase de 3º, acompañados polo director e mais por Paco (biologo de ADEGA), que era quen viña explicarnos como podemos coñecer a calidade da auga dos nosos ríos e se o seu contorno está nunhas condicións óptimas, achegámonos ó río de Rialdarca para levar a bo fín as nosas indagacións....

.

Unha vez ali,escoitamos atentamente as explicacións que nos deu Paco.

Despois , Paco recolleu mostras no río para que  nós poideramos analizalas e estudalas.

E así o fixemos: buscamos, catalogamos e aprendemos a distiguir insectos e outros animais que vivían no río e tamén o valor e significado que tiña que houbera un ou outro tipo de animal.

Foi un gran día , entretido e divertido...Incluso tivemos tempo para merendar á beira do río.Para repetir.

Visitamos o súper

O luns pasado recibimos na biblioteca do cole unha charla sobre a alimentación. Foi unha actividade proposta por un supermercado, que incluía ademais unha visita ao mesmo, onde aprendemos moitas cousas. Ao rematar, agasalláronnos cunha merenda de froitas.
Participamos os nenos e nenas de 4º e 5º curso. Gustounos moito:

4º informa da visita a San Simón

EXCURSIÓN Á ILLA DE SAN SIMÓN

 O xoves, 6 de xuño, todo o colexio de Quintela fomos de visita ao arquipélago de San Simón. Coñecémola como illa pero, en realidade, é un arquipélago porque son dúas illas unidas por unha ponte e dous illotes máis. No peirao de Moaña esperábannos uns piratas e pasamos toda a viaxe en barco cantando cancións con eles. Foi emocionante pasar por debaixo da ponte de Rande.

 Cando chegamos merendamos e xogamos un pouco. Despois, a guía Enma levounos de visita á illa de San Antón pasando pola ponte que a une coa de San Simón. Alí entramos no museo e contounos a historia do arquipélago: a batalla de Rande, o lazareto, o orfanato, o cárcere... Logo visitamos o resto da illa e volvemos a San Simón. Falounos da escultura do capitán Nemo e de Xulio Verne e da escultura dos trobadores. Mostrounos os edificios reformados e a súa nova función: hotel, salas de exposicións, aulas para cursos... Camiñamos polo paseo dos buxos ( eran altísimos ) e vimos o túnel polo que querían fuxir os presos. 

 As dúas illas están cheas de vexetación con grandes árbores( árbore do té, nogueiras, eucaliptos, palmeira canaria, nispereiros, verónica e outras) e con grandes arbustos( buxos, hortensias, loureiro e falso loureiro, ave do paraíso, limpabotellas, cana india e outros. Ao acabar a visita guiada fomos comer e xogamos moito tempo á pita.

 Logo xogamos cos piratas a encontrar probas con instrucións seguindo un mapa polas dúas illas. Un de nós era o capitán, tiñamos que ir collidos das mans e facer de estatuas cando víramos a algún pirata. Ao remate do xogo merendamos e volvemos xogar á pita. Por último, recollemos as nosas cousas e o lixo, embarcamos por cursos de un en un, chegamos a Moaña ás 6 da tarde e estaban esperándonos as nosas familias no peirao.

 Foi unha experiencia incrible. Gustaríanos repetila algún día.

Os nenos e nenas de 4º fomos mariscar

4º e as artes de pesca

As excursións de 4º

No 2º trimestre visitamos o porto pesqueiro de Vigo, a praia de Moaña e o porto de Meira. Observamos directamente as actividades relacionadas co sector primario e secundario. O mellor de todo foi mariscar na praia de Moaña co angazo e coas botas de auga postas. Dolores, a presidenta das mariscadoras, ensinounos a apañar os croques( berberechos ) e as ameixas. Josefa, unha mariscadora, mostrounos a súa habiliadade para coller navallas.
No porto de Meira Carlos, o naseiro, ensinounos dúas chabolas de mariñeiro por dentro, distintos tipos de redes, o funcionamento das nasas, as cordas para o boliche, palabras mariñeiras...
No porto pesqueiro de Vigo estivemos cos compañeiros e compañeiras de 2º e 3º percorrendo a lonxa e os almacéns de traballo seguindo as explicacións do guía. Na lonxa había peixes espada enormes e tiburóns( marrajos ) que estaban  cortando e empaquetando .Nos almacéns había moita xente traballando co peixe, estábanno colocando en caixas, subíanno aos vehículos de carga e circulaban polos corredores cos enormes paquetes camiño dos camións que os levarían ás pescaderías ou fábricas.
Só nos quedou por ver a viaxe do peixe nos camións ata a chegada ao seu destino de venda. Faltounos o sector terciario; pero, algo vimos del ao principio de curso cando visitamos a praza de abastos de Moaña e vimos os postos das vendedoras de carne e peixe.

4º lembra a viaxe a Santiago de Compostela

O pasado 20 de novembro 4º e 5º fomos de viaxe a Santiago de Compostela invitados á gala de celebración do Día Internacional dos Dereitos da Infancia. Eramos 10 colexios e institutos a ler cada un de nós un dos 10 dereitos da infancia. A nós tocounos ler o principio III:
                           "Todos os nenos e nenas do mundo teñen dereito desde que nacen a ter un nome e unha nacionalidade."

A viaxe gustounos tanto que decidimos contar algunha lembranza dese día. Son estas:

Os meus compañeiros e máis eu cando chegamos a Santiago fomos ao auditorio de Novagalicia banco a ver a gala dos Dereitos da Infancia na que algúns colexios e institutos representaron os Dereitos da Infancia. 

JAVI

Na viaxe a Santiago gustoume entrar na catedral. Da catedral gustoume o Santo dos Croques. Divertinme bastante na Praza da Quintana. Iso foi o que máis me gustou.

PABLO 

Na viaxe a Santiago divertímonos moito. Fomos á catedral, estivemos na Praza do Obradoiro e fomos ao auditorio a participar na gala dos Dereitos da Infancia.

Levámonos o mellor recordo: a diversión e a amizade.

LUCÍA

A min gustoume entrar na catedral. Foi moi divertido o que nos explicou a profe de que cada turista que pasaba diante dunha estatua dábase un croque. Como a catedral é moi grande direivos que o Santo dos Croques está na fachada.

NAIMA

Ver a catedral de Santiago e o xardín polo que pasamos antes de chegar a ela gustoume moito, moito. Tamén cando escoitamos a música de Vivaldi no auditorio.

YAIZA

Cando entrei na catedral vin que era enorme e preciosa. Foi alucinante baixar á cripta para ver a tumba do apostol Santiago. Iso foi o que máis me gustou

MALENA

A min gustoume o pallaso que presentou a gala, xogar á pita todos xuntos na Praza da Quintana e tamén ir visitar o Santo dos Croques na catedral. Como non tiña diñeiro leveille de regalo á miña nai unha pedra pequeniña que atopei.

MARÍA 

O que máis me gustou foi a catedral, porque era enorme e estaba moi ben construída.

O Santo dos Croques, o botafumeiro, a tumba de Santiago, o ollo de Deus,... Son algunhas das cousas que vimos dentro da catedral.

MARTÍN 

O que máis me gustou foi a obra musical " As catro estacións " de A. Vivaldi. Hai unha música diferente para cada estación e a que máis me gustou foi o verán. Había unha narradora e o violinista tocaba e facía teatro.

JERO

A min gustoume ir ao auditorio e ver o presentador que parecía un pallaso. Pero gustoume máis ver a catedral, que era moito máis alta do que pensaba.

LAURA

Cando fun á catedral gustoume moito a decoración e tamén ir ao auditorio e ver ao mimo e aos Bolechas.

ANXO C.

O que máis me molou foi ver ao pallaso no escenario co can de peluche dando unha voltereta. Pero, o que máis me emocionou foi a lectura de Laura ( unha rapaza de instituto ) e os nenos e nenas que cantaron. Foi moi emocionante. O que me gustou da cidade foi a Praza do Obradoiro e o xardín que había camiño da catedral.

ANA

O que máis me gustou foi a tenda de recordos. Tiña moitas cousas como colares, pendentes, figuras, bandeiras, postais, libros, mapas,... Eu comprei unha postal e unha guía de Santiago.

ADRIÁN

A min gustoume moito a catedral. Impresionoume a representación musical " As catro estacións " de Vivaldi. Tamén me gustaron as fontes das rúas, a universidade, a catedral, o tren turístico  e o auditorio.

JONATHAN

A min encantoume a Praza da Quintana porque había unha tenda na que vendían moitos artículos e o que máis me gustou foi o libro sobre Santiago que comprei.

YANN

A min emocionoume como explicaron o Dereito IX: " O neno e a nena deben estar protexidos contra toda forma de abandono e crueldades. Non deberá permitirse que traballen antes dunha idade mínima axeitada ".

ANXO O.

EXCURSIÓN POR MOAÑA

O venres dia 21, os alumnos e alumnas de 2º ciclo, saímos do cole de excursión.
Fomos ao Con e dende aí á praza de abastos para ver os peixes que había.
De camiño vimos barcos tradicionais e de pasaxeiros e embarcacións de recreo.

Ao final xogamos no parque.

3º, 4º e 5º na Xunqueira: Día Internacional dos Océanos