Convivencia en Castrelos

 A pesar de que o tempo non nos acompañou nalgún que outro intre, a xornada de convivencia en Castrelos foi moi amena e divertida.

Visita de Isabel Risco en 3º

Esta mañá tivemos a inmensa sorte de recibir a visita dunha das actrices galegas máis destacadas e queridas: ISABEL RISCO. 

Contounos unha chea de cousas sobre a súa infancia, a súa formación como actriz e o seu traballo. 

Tamén nos falou da importancia das mulleres galegas na historia do día a día e da sua invisibilidade, por iso en moitos dos seus traballos lémbrase delas. 

Non podía faltar na súa charla un ánimo á rapazada para falar en galego, a nosa lingua, unha lingua que nos fai únicos no mundo. 

Dámoslle as grazas pola súa cercanía, amabilidade e o cariño que nos amosou. 

Agardamos verte de novo, Isa. Foi un pracer coñecerte!

 

3º nos monumentos de Moaña

A clase de terceiro pasou unha xornada moi interesante con Lito Portela, artista local que lles falou de moitas esculturas que temos en Moaña.

Amigos lectores en 3º

Hoxe tivemos a última xuntanza deste curso cos amigos lectores.

 Gozaron moito con estes momentos de lectura.

Paula Carballeira

 O alumnado de 4°, no Día da Muller, traballou e investigou sobre Paula Carballeira. Ao final deste excelente traballo que fixeron e que contaron aos compañeiros e compañeiras do cole, recibiron a visita de Paula, que fixo con elas e eles un taller de teatro radifónico.

Grazas Paula por ensinarnos unha morea de cousas!

Festival Letras Galegas

 

Despedida de Alexis

Hoxe rematou a nosa auxiliar de conversa, Alexis. 

Na despedida houbo moitas apertas e bos desexos.

Foi un pracer terte con nós e agardamos verte de novo compañeira.

 

Charla de corresponsabilidade no fogar para 4º de primaria

Hoxe, tivemos unha charla no cole sobre corresponsabilidade no fogar. As tarefas podemos facelas todos e todas. Participamos nun taller no que cosemos, cambiamos o cueiro a un bebé, colgamos e dobramos roupa, fixemos bricolaxe, barremos e recollemos o lixo...

 

Intermareal de Tirán

Os nenos e nenas de cuarto fomos hoxe á Intermareal de Tirán coa Asociación Illa dos ratos. Aprendemos tipos de cunchas, animais mariños, rochas, etc. Para rematar fixemos unha busca de distintas especies na praia. Pasámolo moi ben.

Visita de Olalla González en 3º

Esta semana na clase de 3º tivemos a sorte de contar coa visita de Olalla González, mestra e escritora.Contounos moitas cousas sobre os libros que escribiu, as súas ideas para publicar e moitas máis cousas sobre o mundo das editoriais.Tamén nos relatou algún dos libros que escribiu: "Un máis"Resultaron dúas sesións moi aproveitadas  Foi unha inmensa sorte contar con Olalla.Moitas grazas!!

Balonmán en 4°

 Onte, o alumnado de 4° desfrutou dunha xornada de convivencia no pavillón do Gatañal organizada dentro do programa XOGADE na que xogaron minipartidos de balonmán.

No primeiro trimestre tiveron unhas sesións de balonmán no cole impartidas por monitores do Club Balonmán Cangas e onte gozaron dunha magnífica convivencia no Gatañal acompañados de monitores que dirixiron a actividade.

Parabéns a organización!

3º na intermareal de Tirán

O alumnado de 3º gozou dunha estupenda xornada nas praias de Tirán da man da asociación "A illa dos ratos" e aprendeu moitísimas cousas sobre a vida mariña nesa costa cando baixa a marea.

Maios en San Martiño

 Bos días:

Hoxe subimos a San Martiño para facer un maio co centro de Día Afamo. Colaboramos coas persoas maiores facendo coiares de flores, de laranxas, de fiunchos...

Temán tivemos un voluntario para facer de maio humano. 

Para rematar cantamos a copla que fixemos ao redor do maio e bailamos cancións tradicionais ao ritmo do acordeóan. 

Pasámolo xenial!!!

Os maios

 Hoxe a clase de cuarto tivemos a visita de Martina e Xavier de Afamo.

Explicáronnos que é un maio e fixemos unha cantiga para recitar o xoves cos maiores.

Concerto da Escola Municipal de Música

Fantástico o concerto que nos ofreceu a Escola Municipal de Música de Moaña co título "De que cor é un bico" dentro do programa Aprende Moaña.

DÍA DO LIBRO

Hoxe celebramos o Día do Libro na biblioteca do colexio, cunha sesión de contacontos moi especial, a cargo de Olalla González, compañeira do colexio e autora de moitos libros infantís. O alumnado, dende infantil ata os maiores do cole, disfrutaron coas súas historias.

FELIZ DÍA DO LIBRO!!!

Kamishibai en 3º

En 3º imos investigar sobre o Kamishibai porque Paco, o noso ratiño da biblio ten moitas preguntas que facernos.

Para iniciarnos no tema preparamos dous contos que narramos na biblio para todos os cursos.

Premede nos textos e veredes que ben o fixemos.

A princesa que bocexaba a todas horas

O coelliño branco

Aprendemos sobre teatro

 Na biblioteca, o alumnado de 3º recibimos a Borja, o monitor do Plan Madruga, que nos fixo o favor de contarnos un pouco sobre o mundo do teatro; e trouxo de visita a " Loli" a dos "Bolechas", e a outro amigo seu para que vísemos como funcionaba o mundo dos títeres.

Pasamos unha xornada moi divertida. Moitas grazas Borja.

"The Cure" versionada por 3º de primaria

 Que fermoso traballo están a facer os nenos e nenas de 3º de primaria na materia de música. 

Escoitade!

Atletismo en pista dentro do programa XOGADE

Hoxe, o alumnado de 4° desfrutou dunha xornada deportiva nas pistas de atletismo da Xunqueira.

Houbo carreiras (velocidade, remudas e resistencia) salto de lonxitude e lanzamentos (peso e vórtex) nas que foron participando. Para rematar, almorzamos no parque do faro e fixemos alí o recreo.

Pasámolo moi ben!