3º visita a estación meteorolóxica

Neste mes de outubro o alumnado de 6º de primaria empezou a recoller os datos da estación meteorolóxica que temos no patio traseiro.

As nenas e nenos de 3º aproveitamos para ir a visitala e observamos a caseta co termómetro e tocamos o pluviómetro.

Mensualmente tócanos levar o reconto do día que máis choveu.

Xa vos iremos contando.

Sociais 3º

Esta semana imos retomar o proxecto de Meteoquintela. Desde este martes ata o próximo luns iredes anotando o tempo atmosférico: soleado, anubrado, sol e nubes, chuva e vento. Para representalo mellor facedes unha táboa como a do xogo de "Hundir la flota", con liña horizontal e vertical (lembrade que se chaman coordenadas e que están explicadas no libro de matemáticas). Na horizontal indicades os símbolos da atmosfera e na vertical os días da semana desde o que empezades. Ademais buscades a información sobre a temperatura máxima de cada día ( lembrade que se recolle ao día seguinte), anotádela e resaltades cal foi o día de maior temperatura desta semana. Cando teñades todo feito mandades foto do traballo. 

Un saúdo

Meteoquintela en 3º

A clase de 3º foi visitar a estación meteorolóxica do cole. Vimos a caseta meteorolóxica co termómetro e o pluviómetro. Despois fomos ver a pizarra cos datos do día recollidos polo alumnado de 6º e 5º. A continuación, volvemos á nosa aula e traballamos en grupos observando as plantillas dos datos e fixándonos no día que máis choveu en cada semana do mes de outubro. Seguimos, anotando na libreta de sociais o día que máis choveu do mes dentro do apartado dedicado ao proxecto METEOQUINTELA. Por último, pasamos a información á plantilla que temos para informar ao resto do cole e que espoñemos no corredor cos demais traballos de cada mes.

Meteoquintela en 4º

En 4º este curso  dentro do Proxecto de Meteoquintela estivemos recollendo os datos de temperatura mínima e temperatura máxima desde outubro ata maio. Ao final de curso elaboramos gráficas de barras para comparar os datos facilmente. Primeiro fixémolas no caderno de sociais e logo no programa informático chartgo. 

Por se non se le con claridade: Temperatura mínima

 

Na liña vertical do 2º gráfico os graos están ampliados e só hai que imaxinarse que sobra o último cero de cada número que indica os graos. 

Por se non se le con claridade: Temperatura máxima

4º curso recolle datos sobre a chuva

O alumnado de 4º curso estivo recollendo datos na estación meterolóxica sobre os días que choveu ao longo do 1º trimestre. Empregaron o chartgo para facer os diagramas, tanto de barra como de pastel.

Aquí temos o resultado.

Meteoquintela en 4º

Este curso á clase de 4º tócanos en Meteoquintela recoller os datos sobre a temperatura máxima e mínima de cada mes. Así que ao rematar un mes collemos as plantillas de recollida de datos diarios e por grupos buscamos a información. Despois facemos unha posta en común e un grupo pasa a información á folla para expoñer no corredor. Temos os datos dos meses de outubro e novembro.

O libro favorito en 3º

Presentamos o vídeo coas gravacións feitas cos libros favoritos.

Meteoquintela en 3º

En 3º cos datos obtidos ao longo dos meses de outubro, novembro, decembro, xaneiro, febreiro e marzo aprendemos a facer diagramas de barras na libreta e co xenerador de gráficos online  CHARTGO.

Datos

O día que máis choveu en...

outubro: 15 l / metro cadrado

novembro: 15 l / metro cadrado

decembro: 24 l / metro cadrado

xaneiro: 35 l / metro cadrado

febreiro: 42 l / metro cadrado

marzo: 42 l / por metro cadrado

Estes son os diagramas que aprendemos a facer: diagrama de barras e diagrama de pastel.

3º APRENDE A FACER GRÁFICOS NO ORDENADOR

Aproveitando a recollida de datos da estación metereolóxica do cole, os nenos e nenas de 3º curso aprenderon a utilizar a aplicación CHARTGO para facer diagramas. Gustoulles moito!

Meteoquintela en 3º

Este mes de abril na clase de 3º temos outra tarefa no proxecto de Meteoquintela: aprender  a recoller os datos na estación meteorolóxica e anotalos na pizarra. Para iso contamos coa axuda da clase de 6º.

Un día de Meteoquintela

Como todas as mañás o alumnado de 6º ensina e  axuda aos demais a recoller os datos meteorolóxicos do día. Hoxe están con Iago e Aldara de 4º.

METEOQUINTELA

Este curso para o proxecto de Meteoquintela  á clase de 3º tócanos recoller o dato de cal foi o día que máis choveu de cada mes. Temos recollido dos meses de outubro e novembro. Como levamos un outono moi seco observamos que houbo moi poucos días de chuva. Dase a casualidade de que coincide a cantidade de chuva nos dous meses. Debaixo mostramos o traballo.

4ºcurso visita a nosa estación meteorolóxica

Esta semana na clase de 4º aprendemos moito sobre os aparellos meteorolóxicos e aproveitamos para visitar a estación que temos no colexio e ver o pluviómetro e o termómetro e como se recollen os datos. Resultou moi interesante!!

Meteoquintela 2016-2017

O cole participa un curso máis no proxecto Meteoescolas, dentro dos plans Proxecta. Nós, como o curso pasado, chamarémoslle Meteoquintela. No mes de novembro comezamos de novo a nosa andaina polo mundo da meteoroloxía, 

Con este proxecto,o alumnado desenvolverá competencias en investigación mediante a observación directa do clima na  escola, e así tomaremos datos das precipitacións e das temperaturas, grazas  a estación meteorolóxica que temos instalada no noso centro. 

Aquí vos deixamos o resumo deste mes de novembro, que fixo o alumnado de Primaria: cal foi o día que máis choveu, o climograma, as temperaturas máximas e mínimas,...

                                         

O noso traballo sobre Joaquín Sorolla

Na clase de "Aprender a investigar" seguimos traballando sobre Joaquín Sorolla. Coloreamos o seu cadro "Paseo pola praia", escribimos a súa biografía, miramos moitos dos seus cadros, e fixemos os nosos propios cadros da praia.

Paseo pola praia de Joaquín Sorolla

Dende a biblioteca escolar nos propuxeron traballar sobre algún cadro ou pintor que nos gustase.
Este é o cadro de Joaquín Sorolla que estamos reproducindo. Gústanos porque queríamos escoller un relacionado coa metereoloxía, e nel nótase a brisa:

Titúlase: "Paseo a orillas del mar" e pintouno no ano 1909. Nel aparaecen a súa dona e a súa filla maior.

Esta páxina axúdanos a investigar sobre el:
Blog de Helena

Carla e os seres vivos

Agora xa sabemos que a  bioloxía é a ciencia que estudia os seres vivos.Carla, coa axuda da súa nai, que é bióloga, preparounos unha presentación dixital para que souberamos un pouco mais sobre os seres vivos máis antigos do planeta:

Os primeiros seres vivos do planeta de Isabel Vázquez

O sol chámase...

Mirade que ben recitamos o poema de Manuel María os nenos e nenas de terceiro curso:

MorfoBooth na aula de 3º

Na clase de 3º estimevos aprendendo moito sobre a metereoloxía co proxecto Meteoquintela. Nas sesións TICs aproveitamos para darlle vida a un elemento atmosférico que nos gustase. Mirade que chulada!

ENGLISH´S CLASS

SEGUIMOS APRENDENDO SOBRE A METEOROLOXÍA, E ESTA VEZ NA CLASE DE INGLÉS. APRENDERON VOCABULARIO SOBRE O TEMA, A PREGUNTAR QUE TEMPO FAI, SE FAI FRÍO OU CALOR,...MIRADE QUE BEN O FAN OS NENOS E NENAS DE TERCEIRO!!!