Que emocionadas e emocionados estamos en 3° con todo o material que temos sobre os minerais. É un tema que nos gusta moito e sobre o que temos moita curiosidade. Montamos unha exposición na aula cos minerais que temos no cole e cos que imos traendo da casa. Tamén trouxemos os libros que temos na biblio para poder ir curioseando neles e aprender máis.
Estamos recollendo moita da información nun lapbook. Que fermoso nos está a quedar!
Como nos gustou ver e descubrir o noso corpo coa camiseta que lle vestimos ao esqueleto e a aplicación Magic T-Shirt. Tamén usamos os Merge Cube que nos deron unha morea de información sobre os órganos.
Xa rematamos o tema das plantas na clase de 3º! Moito traballamos e moito aprendemos sobre o mundo das plantas.
Plantamos fabas metidas en algodón, rexistramos como medraban cada día, pasámolas a macetas cando xa tiñan o talo e as follas fóra do algodon, recorremos o patio buscando distintos tipos de follas e estudamos o talo da planta da que procedían...
Traballamos por estacións esta temática e ata fixemos un kahoot para saber canto aprenderamos!
Na aula de 3º estamos a traballar e a aprender moito sobre as plantas. Entre as moitas tarefas que fixemos, destacamos un traballo por estacións no que, en grupos foron pasando por distintas mesas con distinto material no que traballar (crebacabezas, formar palabras relacionadas coas plantas, escribir as partes das plantas, unir debuxos cos nomes correspondentes).
Tamén aproveitamos para traballar coas tablets o programa Scratch Junior, que nos permite desenvolver o pensamento computacional e a linguaxe de programación.
Que ben que o pasamos!
Canto sabemos sobre o noso corpo! Fixemos un xogo de preguntas por equipos nos que tiñamos que responder programando o robot ás preguntas e cuestións que nos plantexaban. Por cada resposta correcta déronnos un PACOPUNTO! Quedamos moi igualados todos os equipos!
Na aula de 3° estivemos traballando conceptos básicos sobre o funcionamento do ordenador como o botón de acendido, a conexión USB para o rato, o aceso a aplicacións básicas, o peche de lapelas, o apagado dos equipos…
Aproveitamos para practicar ciencias a través dun xogo creado coa aplicación Kahoot.
Gustoulles moito!
Na aula de 4º estamos a traballar sobre a froita que se consume no outono. Buscamos información sobre esas froitas típicas en distintas páxinas de internet, e agora, estamos a preparar un Libre Office Impress nos ordenadores con esa información.
Vainos quedar moi chulo!
Nesta ocasión, estivemos investigando sobre os ósos máis importantes do corpo humano. Fixemos unha selección de libros na biblioteca que nos foron de utilidade, tamén consultamos libros que o alumnado trouxo das súas casas e, finalmente, apoiámonos das tabletas para ver o esqueleto en realidade aumentada e localizar o nome dos ósos que tiñamos que buscar.
Estivo moi entretido!
Non ten desprecio o fermoso traballo que fixeron co traballo de ciencias naturais en formato cómic nas libretas os nenos e nenas de 3º...
As nenas e nenos de 3° traballaron as funcións vitais do noso corpo (neste caso a nutrición) coa aplicación Strip Design nos Ipad. Crearon viñetas que posteriormente pegarán nas súas libretas. Quedáronlles moi fermosas!
Na aula estamos a traballar sobre o noso corpo. Fixemos uso dos Merge Cube, coa aplicación Mr. Body, para profundizar sobre o aprendido dun xeito moi atractivo e lúdico. Gustounos moito!
