3º aprende a xogar ao xadrez

Durante este curso a clase de 5º ensina á clase de 3º a xogar ao xadrez. Todos os mércores, despois do recreo, convertemos a biblioteca en aula de xadrez. Algunha e algún están tan interesados que dedican os recreos a botar unha partida. 

Seguimos xogando ao xadrez

Os mércores seguimos xogando ao xadrez, co asesoramento dun grupiño da alumnos de 5º e 6º curso. Esperamos o día con ilusión, cada vez estamos mais enganchados!

Aprendemos a xogar ao xadrez

O Nobel da Paz e a Cruz Vermella

Despois da charla da nosa compañeira Zoe sobre a Cruz Vermella, na sesión de "Aprender a investigar" da clase de cuarto complementamos a información buscando en que ano recibiu a Cruz Vermella o Premio Nobel da Paz.

Esta é a información atopada:

Preparando a visita ao Concello

Na aula de cuarto curso preparamos a próxima visita ao Concello de Moaña.
Aprendemos cales son as funcións do concello, escribimos cartas á alcaldesa e redactamos unha lista de peticións.
Xa llas enviamos, e contestounos cunha cariñosa carta. Pronto estaremos no Concello para aprender máis.

A Cruz Vermella

Zoe preparou unha presentación de diapositivas sobre un tema que lle interesa moito: a Cruz Vermella.
Para recoller a información contou coa asesoría dunha voluntaria da Cruz Vermella: a súa irmá maior.
Aos nenos e nenas de 4º curso gustóulles moito e fixéronlle moitas preguntas.

Agora que se achega o Día da Paz, preguntámonos si a Cruz Vermella levou algunha vez o premio Nobel da Paz.

A Cruz Vermella from Isabel Vázquez

Mira, mira a pintura,...e mide

Queres saber canto miden algúns dos cadros máis famosos?

·       “As meninas”, de Diego Velázquez, mide 276 de alto por 318 cm de ancho .

·       “A Gioconda”, de Leonardo da Vinci, mide 77 cm de alto por 53 cm de ancho

·       “A persistencia da memoria”, tamén coñecido como “ Os reloxos brandos”, de Salvador Dalí ,mide 119,5 de alto por 90 cm de ancho.

·       “Enrique VIII”, de Hans Holbein o Mozo, mide 28 cm de alto por 20 cm de ancho

·       “A habitación", de Van Gogh, mide 74 cm de alto por 56,5 cm de ancho

·       “Varios círculos”, de Kandinsky, mide 127 cm de alto por 200 cm de ancho

·       “Guernica”, de Pablo Picasso, mide 3,50 cm de alto por 7,80 de ancho

P   Que vos parece calcular as medidas dos cadros nas vosas aulas? 

   Será interesante ver canto ocupa cada un!