En Sociais estamos estudando como se vive en comunidade. Preguntámonos como se fai para saber os habitantes que hai en Moaña. Despois, saíu a pregunta de onde se anotaban as persoas e descubrimos que hai unha oficina que rexistra os nacementos, as vodas e as defuncións que se producen na nosa vila. Esta oficina é o xulgado.
Fomos de visita e as traballadoras do xulgado faláronnos do traballo que facían cada día. Un dos traballos principais é o do rexistro civil. Ensináronnos os libros de rexistro antigos e os actuais, que son de cores: vermellos para os nacementos, verdes para as vodas e brancos para as defuncións.
Poidemos comprobar os rexistros dalgúns de nós.
Fixemos moitas preguntas e aprendemos cousas interesantes que pasan ao noso arredor.
