Investigamos

 Na clase de Proxecto competencial, iniciamos unha nova investigación por equipos. Cada equipo, elaborará un traballo sobre un animal: bolboreta, oso panda, crocodilo e balea. Logo, exporemos  a información atopada para os compañeiros  e compañeiras. Hoxe, o primeiro, foi  ir á biblioteca a buscar libros para aprender moito.

Lugares favoritos de Galicia en 4º

A semana pasada fixemos unhas exposicións moi interesantes ao resto do alumnado sobre os nosos lugares favoritos de Galicia. Aquí vos deixamos os vídeos para que vexades que ben o fixemos.

Investigamos sobre as froitas típicas do outono na aula de 4°

Na aula de 4º estamos a traballar sobre a froita que se consume no outono. Buscamos información sobre esas froitas típicas en distintas páxinas de internet, e agora, estamos a preparar un Libre Office Impress nos ordenadores con esa información. 

Vainos quedar moi chulo!

Ciencias da Natureza con realidade aumentada en 3°

 Nesta ocasión, estivemos investigando sobre os ósos máis importantes do corpo humano. Fixemos unha selección de libros na biblioteca que nos foron de utilidade, tamén consultamos libros que o alumnado trouxo das súas casas e, finalmente, apoiámonos das tabletas para ver o esqueleto en realidade aumentada e localizar o nome dos ósos que tiñamos que buscar.

Estivo moi entretido!

DÍA DA CIENCIA NA AULA DE 4º

 Os nenos e nenas de 4º convertéronse o pasado venres en científicos para amosarnos os seus experimentos e conmemorar así o día da Ciencia, dedicado este ano a Jimena Fernández de la Vega. Tamén estudaron sobre Elena García Armada. 

Aquí deixamos unha proba do ben que o fixeron. Desde o cole queremos darvos os parabéns polo bo traballo que fixéchedes todos e todas e tamén agradecemos ás familias a súa colaboración neste traballo.

PRESENTACIÓN.

EXPERIMENTO DE ASIER, TOMÉ, MARTÍN E JULEN

EXPERIMENTO DE NORA, ALEJANDRA E ELA

EXPERIMENTO DE EVELYN E DANIELLA VARELA

EXPERIMENTO DE BREOGÁN E IAGO

EXPERIMENTO DE MAR, ADRIANA, IRENE E XIANA

EXPERIMENTO DE NADIA, KARLA E AITANA

EXPERIMENTO DE BRUNO E MARTÍN

EXPERIMENTO DE AIXA E ÁNGELA

EXPERIMENTO DE DANIELLA CALVAR E NOELIA

Traballo de investigación de 4º

Este é o traballo realizado polo alumnado de 4º sobre o Partenón de Atenas e o Coliseo de Roma.
Seguide así de ben!

Proposta de investigación en 3º

Bos días clase! Este martes toca aprender a investigar e propoño adiantarnos ao curso que vén. Sabedes que en 4º no mes de novembro celebramos o Día da Ciencia convertídonos en aprendices de científicas e científicos. Preparamos por grupos un experimento que nos guste e presentámolo ao resto do cole despois de moito ensaialo e aprendelo.

Como temos que pasar tanto tempo na casa pensei en pedirvos que miredes  experimentos variados adaptados á vosa idade, que vos gusten e elixades algúns tendo en conta que sexan fáciles de realizar, seguros e rápidos de ver o seu efecto.  Eu gardarei as vosas propostas  e falaremos delas  todos xuntos máis adiante. Xa me diredes.
Un saúdo

CATARATAS 4º

Este é o traballo dos nenos e nenas de 4º sobre as cataratas do mundo. Parabéns!!

TAREFA 3º PRIMARIA: XEOGRAFÍA

Esta semana investigaremos sobre Xeografía.

Buscaredes información sobre os ríos máis importantes do planeta.

Podesdes buscar aquí a información ou noutras páxinas :
National Geographic
Wikipedia

O que faredes será:
1. Buscades o nome dos 3 ríos máis longos do planeta, anotades os nomes  e o continente onde se atopan.
2. Coa información que atopedes anotades os resultados na vosa libreta de sociais.

- O río máis longo do mundo é ... e está en ...
- O segundo río máis longo do mundo é ... e está en ...
- O terceiro río máis longo do mundo é ... e está en ...


Se tedes algún programa de edición de fotos (Paint, PicCollage,...) e vos apetece podedes escribir os nomes dos ríos no mapa e enviala ao correo da titora:

terceiroenquintela@gmail.com

Ánimo!!!

4º continúa cos ensaios

Ensaiando os experimentos

Xa queda pouquiño tempo, por iso facemos varios ensaios na clase antes de compartir os experimentos co resto dos nosos compañeiros e compañeiras.

 

 

4º e o Día da Ciencia

Xa temos rematado o mural que vai decorar a biblioteca.

A clase de 4º e o Día da Ciencia

Xa estamos cos últimos detalles para a celebración do "Día da Ciencia"
Estes somos os grupos que imos participar:

 

Naroha, Martiño e Irene. Faremos o experimento chamado "O magnetismo e a materia"

Samuel, Hugo A., Aarón e Jaime. Faremos o experimento "Circuito eléctrico con plastilina conductora"

Sofía A. e Ariadna C. Faremos o experimento " A lámpada de lava"

Sofía R., Noemí e África. Faremos o experimento "Volcán caseiro"

Aitana e Ariadna P. Faremos o experimento "O volcán de verdade"

Hugo M. e Darío. Faremos o experimento "Mestura dos líquidos polares e o aceite"

Mara e Briana. Faremos o experimento " As pasas buceadoras"

Mario, Xandro e Sergio. Faremos o experimento "A auga que non cae"

A clase de 4º repartimos as invitacións para a celebración do Día da Ciencia

As nenas e nenos de 4º xa rematamos e repartimos as invitacións para a celebración do “Día da Ciencia” que terá lugar o 27 de novembro na biblioteca.

Mulleres españolas no deporte

 En 4º na área de "Aprender a investigar" estivemos traballando o tema: Mulleres españolas no deporte. Cada nena e neno da clase buscamos información en Internet sobre o tema e decidímonos por unha. Coa biografía e unha foto de cada unha delas montamos unha exposición que está na entrada principal do cole.

As deportistas traballadas son:
-   Noelia Pérez: taekwondo
-   Teresa Portela: remo
-   Chus Lago: alpinismo
-   Almudena Cid: ximnasia rítmica
-   Mireia Belmonte: natación
-   Edurne Pasaban: alpinismo
-   Polina  Berezina: ximnasia rítmica
-   Lydia Valentín: halterofilia
-   Ruth Beitia: atletismo
-   Sheila Herrero: patinaxe
-   Sara Hurtado: patinaxe
-   Joana Pastrana: boxeo
-   Teresa Perales: natación
-   Helia González: voleibol
-   Queralt Castellet: snowboard
-   Laia Sanz: motocross
-   Patricia García: rugby
-   Garbiñe Muguruza: tenis
-   Vero Boquete: fútbol
-  Ana Peleteiro: atletismo
-  Sandra Sánchez: karate
-  Ona Carbonell: natación sincronizada
-  Carolina Marín: badminton

Visita Pedro Estévez (veterinario) a 2º ciclo

      A semana pasada tivemos unha visita moi especial: Pedro Estévez, da clínica veterinaria Ars Canis. Veunos a contar unha morea de cousas interesantísimas, sobre o seu traballo de veterinario e sobre os nosos amigos os animais. Contounos unha historia chulísima e xogamos con Pongo. Pongo tamén nos ensinou todas as cousas que necesita un canciño para ser feliz. Pedro respostou todas as nosas preguntas e agasallounos con pegatinas e lápis. 

      Moitas grazas, Pedro.

Día da Ciencia

Os nervios non foron quen de impedir que o resultado a tanto traballo fose extraordinario. Parabéns a todos e todas polo ben que o fixestes!
Podedes ver o vídeo sobre a biografía que crearon.

Se facedes clic nos iconos que aparecen nas distintas partes que compoñen o experimento, poderedes ver os videos explicativos dos mesmos.

 

                 

 

 

      


 

 

   

Día da Ciencia

Chegou o día e 4º está preparado para presentar os traballos ao resto do cole. Hai moitos nervios, pero é moi normal.

4º continúa a traballar no Mes da Ciencia

Organizámonos en 9 grupos e traballamos en 9 experimentos. Como a presentación dos experimentos faise en dúas sesións, repetimos un.

 Os experimentos son:

1ª sesión

-  "O leite de cores"

-  "As burbullas máxicas de cores"

-  "Un tornado nunha botella"

-  "A fonte de auga"

-  "A flotabilidade con froita"  

2ª sesión

-  "Os líquidos que se odian"

-  "Volcán de cores"

-  "A flotabilidade con froita"

-  "O globo que se infla só"

-  "A lámpada de lava"

4º segue coa ciencia

Continuamos a traballar na preparación da celebración do Día da Ciencia. Esta vez tocan os carteis e as invitacións aos demais cursos.