Día Internacional da Eliminación da Violencia contra as Mulleres

Hoxe rematamos coas actividades en relación ao 25N. Fixemos entre todo o cole unha margarida con palabras bonitas e os pétalos caídos son palabras e actos inadecuados. Ademáis coñecemos o conto de Arturo e Clementina, unha parella moi especial.

Lembra que o maltrato non son so golpes…

SE TE QUERE NON TE FIRE

Arturo e Clementina

 

Conmemoración do 25N

 

Hoxe conmemoramos o 25 N no cole. Fixemos uns murais entre todos os nenos e nenas do cole, pegando fotos dun neno e unha nena cunha palabra pegada sobre un fondo morado. Saíron palabras moi fermosas como amizade, amor, respecto...

Aquí deixamos un pequeno resumo da xornada.

MURAL PARA CONMEMORAR O 25N

 NO COLE, CONMEMORAMOS O 25N CUN FERMOSO MURAL FEITO POLO ALUMNADO. 

25 N Curemos a violencia contra as mulleres

 

Curemos a violencia conta as mulleres, acabemos con ela, e eduquemos para que desapareza.

Contacontos "Rosa Caramelo" en 3º

Na clase de 3º estamos aprendendo a ter en conta aos demais non só o 25 de novembro e do que se recorda: non á violencia machista.

Preparamos un conto titulado "Rosa Caramelo" co contacontos kamishibai de orixe xaponés. Contámolo ás clases de 6º de Infantil, 1º e 2º.

Dá igual como sexas, todos te deberían querer igual.

Se todas e todos foramos iguais sería aburrido. 

Vivamos coa diferencia.

Fomentando a igualdade: Rosa Caramelo

Este venres, día 25 de novembro, na clase de 3º escoitamos o conto de Adela Turín titulado "Rosa Caramelo". Falamos da importancia de fomentar a igualdade entre nenos e nenas e vimos unhas imaxes moi bonitas deste conto que fixeron exalumnos de noso cole.

25 de novembro: Día Internacional da non violencia contra a muller

O 25 de novembro foi declarado pola ONU o día Internacional da Eliminación da violencia contra as mulleres.
Escolleuse ese día para lembrar as irmás Mirabal.


Para traballar a igualdade, podedes ver aquí este traballo do noso alumnado:
 Rosa Caramelo, un conto de Adela Turín para tratar o tema do sexismo .

E este ano Kalandraka Editora publicou outro dos álbumes ilustrados desta autora: A Historia dos bonobos con lentes, outro fabuloso título sobre a igualdade e a coeducación: