3º visita a exposición sobre “O MAR”

Esta semana estivemos vendo a exposición sobre sobre “O MAR”. 

 Resultou unha visita moi aproveitada e aprendemos unha chea de cousas.

3º e 4º na Intermareal de Tirán

A semana pasada as nenas e nenos de 3º e 4º de primaria coñecemos un pouquiño máis a nosa costa. Fixemos a ruta Intermareal de Tirán, acompañados de Lu (oceanógrafa) e Óscar, guía da asociación "A Illa dos Ratos". 

Aprendemos unha chea de cousas sobre as especies que viven entre as mareas e tamén nos contaron anécdotas moi curiosas de Moaña. 

Resultou unha saída moi interesante.

Salvamento marítimo en 4º

Para coñecer un pouco máis o noso entorno marítimo, estivo na aula de 4º curso Marcos Ogando, comandante do helicóptero Pesca 1, con base en Vigo.

 O Pesca 1 forma parte da dotación de Salvamento marítimo da Xunta de Galicia. 

  No encontro coa clase de cuarto contounos arriscadas e difíciles experiencias, explicando como é o seu equipo, que protocolos cumpren, como se organizan e outras interesantes cuestións.

   Nas fotos vemos como intentou transmitir o difícil que resulta manter o equilibrio cando as condicións do medio son adversas e o importante que son os entrenamentos.

    O seu arriscado traballo está ao servizo daquelas persoas que sufren accidentes nas costas galegas, traballadores/as do mar e outros servizos urxentes cerca do mar. 

Moitas grazas Marcos!!

4º curso e as artes de pesca

4º informa da visita a San Simón

EXCURSIÓN Á ILLA DE SAN SIMÓN

 O xoves, 6 de xuño, todo o colexio de Quintela fomos de visita ao arquipélago de San Simón. Coñecémola como illa pero, en realidade, é un arquipélago porque son dúas illas unidas por unha ponte e dous illotes máis. No peirao de Moaña esperábannos uns piratas e pasamos toda a viaxe en barco cantando cancións con eles. Foi emocionante pasar por debaixo da ponte de Rande.

 Cando chegamos merendamos e xogamos un pouco. Despois, a guía Enma levounos de visita á illa de San Antón pasando pola ponte que a une coa de San Simón. Alí entramos no museo e contounos a historia do arquipélago: a batalla de Rande, o lazareto, o orfanato, o cárcere... Logo visitamos o resto da illa e volvemos a San Simón. Falounos da escultura do capitán Nemo e de Xulio Verne e da escultura dos trobadores. Mostrounos os edificios reformados e a súa nova función: hotel, salas de exposicións, aulas para cursos... Camiñamos polo paseo dos buxos ( eran altísimos ) e vimos o túnel polo que querían fuxir os presos. 

 As dúas illas están cheas de vexetación con grandes árbores( árbore do té, nogueiras, eucaliptos, palmeira canaria, nispereiros, verónica e outras) e con grandes arbustos( buxos, hortensias, loureiro e falso loureiro, ave do paraíso, limpabotellas, cana india e outros. Ao acabar a visita guiada fomos comer e xogamos moito tempo á pita.

 Logo xogamos cos piratas a encontrar probas con instrucións seguindo un mapa polas dúas illas. Un de nós era o capitán, tiñamos que ir collidos das mans e facer de estatuas cando víramos a algún pirata. Ao remate do xogo merendamos e volvemos xogar á pita. Por último, recollemos as nosas cousas e o lixo, embarcamos por cursos de un en un, chegamos a Moaña ás 6 da tarde e estaban esperándonos as nosas familias no peirao.

 Foi unha experiencia incrible. Gustaríanos repetila algún día.

Recibimos ao pai de Breixo

Zoilo, o pai de Breixo, falounos do seu traballo de mariñeiro en alta mar. Mostrounos no mapamundi os países nos que pescou. Tamén nos ensinou fotos nos barcos. Repetiunos moitas veces a importancia que ten estudar moito para poder conseguir un traballo que nos guste e para iso hai que facer caso ás profesoras. Grazas Zoilo pola túa colaboración!!

 

Os nenos e nenas de 4º fomos mariscar

4º e as artes de pesca

As excursións de 4º

No 2º trimestre visitamos o porto pesqueiro de Vigo, a praia de Moaña e o porto de Meira. Observamos directamente as actividades relacionadas co sector primario e secundario. O mellor de todo foi mariscar na praia de Moaña co angazo e coas botas de auga postas. Dolores, a presidenta das mariscadoras, ensinounos a apañar os croques( berberechos ) e as ameixas. Josefa, unha mariscadora, mostrounos a súa habiliadade para coller navallas.
No porto de Meira Carlos, o naseiro, ensinounos dúas chabolas de mariñeiro por dentro, distintos tipos de redes, o funcionamento das nasas, as cordas para o boliche, palabras mariñeiras...
No porto pesqueiro de Vigo estivemos cos compañeiros e compañeiras de 2º e 3º percorrendo a lonxa e os almacéns de traballo seguindo as explicacións do guía. Na lonxa había peixes espada enormes e tiburóns( marrajos ) que estaban  cortando e empaquetando .Nos almacéns había moita xente traballando co peixe, estábanno colocando en caixas, subíanno aos vehículos de carga e circulaban polos corredores cos enormes paquetes camiño dos camións que os levarían ás pescaderías ou fábricas.
Só nos quedou por ver a viaxe do peixe nos camións ata a chegada ao seu destino de venda. Faltounos o sector terciario; pero, algo vimos del ao principio de curso cando visitamos a praza de abastos de Moaña e vimos os postos das vendedoras de carne e peixe.

Queridos nenos e nenas de cuarto

COMO VOS VIVIDES AO LADIÑO DO MAR, GUSTARÍAME APRENDER MÁIS COUSAS SOBRE O MAR.

QUERÉDESME AXUDAR?

PODEDES DICIRME  QUÉ ARTES DE PESCA HAI, E CALES SON AS QUE MÁIS SE USAN?

Queridos nenos e nenas de terceiro

COMO VOS VIVIDES AO LADIÑO DO MAR, GUSTARÍAME APRENDER MÁIS COUSAS SOBRE O MAR.

QUERÉDESME AXUDAR?

PODEDES DICIRME  QUÉ MARES E OCÉANOS HAI NO MUNDO?

Mirade as fotografías...

No cole temos unha exposición de fotografías. Que será ? Hai que mirar e ler:

Podedes facerlle os pés de foto?

GUSTOUVOS A EXPOSICIÓN?

OBSERVADE AS FOTOS DO PANEL “O MEDIO

 E EN PERIGO” E  DO PANEL“ AS ILLAS 

CONTAMINADAS”.

PODEDES FACERLLE OS PÉS DE FOTO AS 

FOTOS DA EXPOSICIÓN?

Moitos bicos

Podedes ser xornalistas para min?

GUSTARÍAME QUE REDACTARADES UNHA NOTICIA CO TITULAR E O CORPO  SOBRE O DESASTRE DO PRESTIGE.

LEMBRADE QUE PARA SER UN BO XORNALISTA HAI QUE INCLUIR NA INFORMACIÓN  :

·      QUÉ SUCEDEU

·      QUEN FOI O PROTAGONISTA

·      COMO SUCEDEU

·      CANDO SUCEDEU

·      POR QUE SUCEDEU

·      ONDE SUCEDEU

Moitos bicos