FOTOMURAL "OS NOSOS AMIGOS"

                Ó longo do curso, fixemos unha pequena recopilación de fotos de momentos cos nosos amigos. Eses amigos que nos piden ben pouquiño pero que sempre están dispostos a xogar,  a darnos agarimos e a posar con nós.

                Por suposto, no noso mural, non podían faltar os nosos amigos da prote: Pinto e Cacho. Tampouco nos olvidamos de Pistacho que aínda que xa ten un fogar, seguirá sendo o noso amigo por sempre.

TÍTERES CON FROITAS EN 3º CURSO

O alumnado de 3º aproveitou as caixas das froita que degustamos dentro do Plan Proxecta para facer escenarios e representar, con figuras de papel en formas de froita, distintas historias sobre hábitos saudábeis.
Fixéronno moi ben!

A froita en 4º

Outro ano máis saboreamos as froitas durante dúas semanas. Houbo froitas que gustaron máis e algunhas outras que gustaron menos; así que elaboramos unhas gráficas cos resultados da posta en común.

A froita que máis gustou

Como vedes houbo dúas froitas que gustaron moito.

A froita que menos gustou

Meteoquintela en 4º

En 4º este curso  dentro do Proxecto de Meteoquintela estivemos recollendo os datos de temperatura mínima e temperatura máxima desde outubro ata maio. Ao final de curso elaboramos gráficas de barras para comparar os datos facilmente. Primeiro fixémolas no caderno de sociais e logo no programa informático chartgo. 

Por se non se le con claridade: Temperatura mínima

 

Na liña vertical do 2º gráfico os graos están ampliados e só hai que imaxinarse que sobra o último cero de cada número que indica os graos. 

Por se non se le con claridade: Temperatura máxima

4º aprende a mariscar

O pasado mércores, 5 de xuño, a clase de 4º baixamos á ribeira de Moaña a coñecer o oficio de mariscar de cerca. Esperábannos a avoa de Claudia, Tere, e a presidenta da Asociación de Mariscadoras de Moaña, Dolores.

Contáronnos algunhas novidades deste ano: a incorporación de 15  persoas ao traballo (dous homes mariscadores), as pragas de animais invasores,...

Pasámolo moi ben e rematamos xogando no parque.

Moitas grazas de novo por atendernos.

Presentamos o vídeo de recordo. 

4º de contacontos

Esta semana a clase de 4º foi contar un conto ao colexio de infantil de O Con. Preparamos o libro titulado "O rato e os ventos" escrito e ilustrado por Arnold Lobel. O curso de 3º de 2010-2011 debuxou as súas páxinas para poder contalo coa técnica do contacontos xaponés kamishibai. Consiste nun pequeno teatriño cun raíl por detrás polo que van pasando as ilustracións mentres se vai contando cada parte da historia.

Pensamos que nos saíu moi ben porque o tiñamos bastante preparado xa do curso pasado.

Contacontos en 4º

Lorea, Mateo Barcia, Adrián López e Ana foron lerlles un conto aos cursos de 1º e 2º porque os seus irmáns están alí. 

Os catro coinciden en que pensan que leron e entoaron bastante ben. Ao principio o público empezou cun pouco de ruído; pero, pouco a pouco foron capaces de atraer a súa atención e acabaron moi metidos na lectura cos novos contadores de historias.

Din que foi unha experiencia moi divertida.
Os contos foron:
"La vaca que leía libros" de adelia Carvalho
"Ñac ñac" de Emma Yarlett
"La otra historia de los tres cerditos" de Jon Scienzka 
"El día que los crayones renunciaron" de Drew Daywalt e Oliver Jeffers

Temos fotos.

OBRADOIRO DE FROITA

Na semana da froita as nenas e nenos de 4º xuntáronse coas súas afilladas e  afillados lectores de 5º de infantil para facer un delicioso zume de laranxa e amorodo e, despois de saborealo, compartiron uns momentos de lectura igualmente deliciosos.

O teatro en 4º

Todos os anos a 4º tócalle facer teatro no Festival das Letras Galegas. Dedicamos moito tempo a aprender a ser actrices e actores para subirnos ao escenario sen moitos nervios. Pensamos que o fixemos moi ben porque tamén traballamos bastante. 

Despois das dúas representacións  veu o momento da reflexión sobre todo o proceso de aprendizaxe. Fixemos unha posta en común e elaboramos un guión no caderno.

GUIÓN DO PROCESO DA REPRESENTACIÓN TEATRAL

• Presentar a obra de teatro e lectura da mesma.
• Elixir o personaxe.
• Aprender o papel.
• Ensaiar moito.
• Preparar o atrezo.
• Ensaiar con todo o atrezo e decorado.
• Actuar para todo o cole e as familias.
• Celebrar a estrea cunha supermerenda de bocatas.

A continuación vai a información concreta sobre a obra traballada.

Título: " A outra historia de Carrapuchiña Vermella "

Autor: José Luis  Marqués

Elenco

Carrapuchiña: Ana

Lobo: Gael

Nai: Lorea

Avoa: Marina

Criada: Mía

Mordomo: Marta

Narradoras/es: Xavi, Rafa, Alba Teresa, Eder, Fernando, Alba Millón, Adrián López, Adrián Márquez,  Rocío e Claudia.

Cazadoras/es: Óscar, Mateo Barcia, Naya, Luca, Gabriel, Alba Varela e Mateo Pidre

Lugar: Centro Cultural Daniel Castelao

Días e horario:

Mércores 22 de maio pola mañá( arredor das 12:30 )

Mércores 22 de maio pola tarde ( arredor das 5 menos cuarto )

Argumento: esta obra está relacionada con Carrapuchiña Vermella e  co lobo; pero, non é a historia que coñecedes. Nesta historia Carrapuchiña e a avoa non estarán tan indefensas e por outra parte,  o lobo si que estará indefenso.

Opinión:

Fotos dalgún ensaio

Fotos da representación

Ata outra!

AS FAMILIAS CONTAN

 Escoitar contos é sempre un momento de lecer, pero se  veñen as nosas familias a contárnolos, entón o gozo é moito maior.

Na clase tivemos a sorte de recibir a visita das nosas nais.

 

   Na súa historia "Don Pol e o pequeno Pin", Noe falounos de como, cun pouco de intelixencia e picardía, podemos transformar as nosas debilidades en fortalezas. As situacións difíciles podemos sortealas se as sabemos afrontar.
  Loli contounos un clásico marabilloso, "O mago de Oz",onde se narra a fantástica viaxe das súas personaxes en busca daquilo que pensan que lles falta, sen decatarse de que o tiñan dende un principio.
 Gracias por vir e compartir con nós uns momentos tan agradables.