Makey Makey na clase de lingua

 As nenas e nenos de 4º de primaria elaboraron un cómic e, coas Makey Makey estamos aprendendo a programar para que en cada viñeta se reproduza a nosa voz.

Gústanos moito!

Segundo día de Entroido

 

Chegou a semana de Entroido

Xuntanza con Afamo en 4º

Este martes, día 3 de febreiro, tivemos a sorte de recibir no noso cole a algúns membros de Afamo que nos falaron de xogos tradicionais da súa época e de moitas outras cousas.

lembraron para todos nós o carretón, o bombón, a carraca e moitos máis xogos.

Foi xenial escoitar as explicacións que nos deu Xabier Blanco acompañado de Aurora, Benigno, Carmen, Choncha, Dolores e Dora.

Queremos agradecer a todos eles e tamén ao concello de Moaña esta iniciativa chamada "Encontros interxeracionais para contar" onde podemos compartir vivencias, sorrisos, historias entre a rapazada e os nosos maiores.

Foi un pracer gozar  deses momentos todos xuntos!

 

Estacións de aprendizaxe en 3º e 4º

 O xoves pasado o alumnado de 3º e 4º tivemos estacións de aprendizaxe na biblio.

Houbo actividades para todos os gustos: xogos de construción, cálculo mental, adiviñas, comprensión lectora...

Resultou unha mañá moi aproveitada onde a colaboración foi fundamental.

Día da Paz

 O día 30 de Xaneiro é o Día da Paz. No cole fixemos unha actividade na que cada persoa, cunha peza de puzle ofrecía e pedía axuda con algo. A continuación, buscaban aquela persoa coa que encaixar a súa peza. O alumnado de 6º de primaria cantou unha canción conmemorativa deste día acompañados á guitarra polo profe Txelu.

Foi moi emotivo.

A horta de 3º e 4º

 Que fermosas as cenorias, as berenxenas, os tomates, as uvas... que fixeron as nenas e nenos de 3º e 4º para decorar o cole!

Obradoiros de escrita en 4º

Nas clases de lingua galega estivemos traballando os obradoiros de escrita. 

Aprendemos a facer anuncios, descricións, receitas e noticias. 

As noticias disparatadas foron as que máis gustaron.

 

Fraccións con fichas de parchís

Na clase de 4º estamos traballando coas fraccións e utilizamos fichas de parchís para calcular a fracción dunha cantidade. 

Así resúltanos máis fácil e divertido.

 

Obradoiro de radio con Damián Alonso

O martes, 14 de xaneiro, visitounos Damián Alonso, actor de dobraxe. 

Tivemos a inmensa sorte de aprender moitas cousas dobre as voces, os cambios de ton e intensidade e tamén o funcionamento da mesa de mesturas na radio. 

Resultou unha xornada moi ben aproveitada e pasámolo moi ben.

 

Panxoliña aos Reis Magos

 

EXPOSICIÓN DOS CANCIÑOS

 O alumnado de 6º de infantil investigou este trimestre sobre a súa mascota, "Os canciños". Buscaron información na biblioteca e con todo o recollido e investigado elaborarn un "lapbook" con todo o aprendido.

Unha vez rematado o traballo, compartiron a información cos compañeiros e compañeiras de 1ºP e 4ºP. 

O centro de día AFAMO ven visitar ao alumnado de 3°

 O xoves, as persoas maiores de AFAMO viñeron compartir unha experiencia co alumnado de 3°, aproveitando que eles foron cantarlles unha panxoliña ao centro e xa se coñecían.

Fixeron un obradoiro de manualidades navideñas no que compartiron anécdotas e momentos especiais.

Moitas grazas pola visita!

Impresión 3D en 4º

 O alumnado de 4º deseñou en Doodle 3D o seu nome, pasámolo ao programa da impresora, imprimiron e colocaron a arandela para facer o seu chaveiro...

Quedaron moi fermosos!

Felicitación Nadal 4º

 

Felicitación Nadal 3º

Programación do último día de clase

Aquí temos os carteis coa programación das distintas actividades do venres 19 realizada polo alumnado de 3º de primaria.

Está todo moi ben explicadiño!

Impresión 3D en 3º de primaria

 O alumnado de 3º quería facer o nome do equipo de clase na impresora 3D. Primeiro tomaron as medidas da placa da impresora, para non facer o deseño moi grande. Logo, deseñaron en papel o nome do equipo, pasáronno á aplicación Doodle 3D e, por último, imprimiron e colocaron nas mesas.

Traballaron moito, pero o resultado foi moi satisfactorio.

Obradoiro de Nadal

 A semana pasada, tivemos obradoiro de manualidades navideñas para decorar o cole e tamén para levar a casa.

Fixémolo nas horas do recreo e as propostas foron: unha estrela, un círculo con cintas, un boneco de neve ou un reno para deixar decorando os corredores do cole e logo, un marcapáxinas para levar a casa.

O cole quedou fermoso!

Rematamos o traballo dos experimentos

Despois de bastantes xornadas de investigar sobre experimentos, escoller algúns, redactar os textos e poñelos en práctica, xa rematamos os nosos traballos. 

Estamos moi satisfeitos cos resultados. 

Hai que seguir observando e curioseando. Paga a pena!