O alumnado de 4° tivo dúas sesións de atletismo nas que Aarón (entrenador da S.D. Samertolameu de atletismo) traballou coa clase a velocidade, o salto de lonxitude, as remudas, o lanzamento de peso e o lanzamento de vórtex.
Grazas Aarón por prepararnos para cando participemos na xornada de convivencia.
Hoxe, na clase de terceiro, tivemos unha charla moi interesante sobre como facer e onde colocar
trampas para velutinas.
Grazas a ANPA pola súa dedicación e implicación un ano máis nesta celebración, facendo posible unha xornada chea de alegría e convivencia. Grazas tamén a todas as familias pola súa participación. Entre todos e todas conseguimos crear momentos especiais que fortalecen a nosa comunidade educativa.
O pasado venres, fixemos un obradoiro de disfraces na biblioteca. Un éxito total!
As nenas e nenos de 4º de primaria elaboraron un cómic e, coas Makey Makey estamos aprendendo a programar para que en cada viñeta se reproduza a nosa voz.
Gústanos moito!
O xoves pasado o alumnado de 3º e 4º tivemos estacións de aprendizaxe na biblio.
Houbo actividades para todos os gustos: xogos de construción, cálculo mental, adiviñas, comprensión lectora...
Resultou unha mañá moi aproveitada onde a colaboración foi fundamental.
O día 30 de Xaneiro é o Día da Paz. No cole fixemos unha actividade na que cada persoa, cunha peza de puzle ofrecía e pedía axuda con algo. A continuación, buscaban aquela persoa coa que encaixar a súa peza. O alumnado de 6º de primaria cantou unha canción conmemorativa deste día acompañados á guitarra polo profe Txelu.
Foi moi emotivo.
Que fermosas as cenorias, as berenxenas, os tomates, as uvas... que fixeron as nenas e nenos de 3º e 4º para decorar o cole!
O alumnado de 6º de infantil investigou este trimestre sobre a súa mascota, "Os canciños". Buscaron información na biblioteca e con todo o recollido e investigado elaborarn un "lapbook" con todo o aprendido.
Unha vez rematado o traballo, compartiron a información cos compañeiros e compañeiras de 1ºP e 4ºP.
O xoves, as persoas maiores de AFAMO viñeron compartir unha experiencia co alumnado de 3°, aproveitando que eles foron cantarlles unha panxoliña ao centro e xa se coñecían.
Fixeron un obradoiro de manualidades navideñas no que compartiron anécdotas e momentos especiais.
Moitas grazas pola visita!
O alumnado de 4º deseñou en Doodle 3D o seu nome, pasámolo ao programa da impresora, imprimiron e colocaron a arandela para facer o seu chaveiro...
Quedaron moi fermosos!
