4º visita o Concello

O pasado xoves 10 de xaneiro a clase de 4º visitou o Concello de Moaña. Ao chegar recibiunos un concelleiro que fixo de guía e que se chama Odilo.

Primeiro falou das zonas que hai en cada andar. Na planta baixa están, entre outras, o rexistro e a policía local. Baixamos ao soto e vimos o arquivo, os calabozos, o garaxe e os obxectos perdidos.

Despois subimos ao 2º andar onde están as oficinas de cultura e servizos soiais. Saudamos a María, a coordinadora cultural, porque moitos a coñecemos.

Por último, chegamos ao 1º andar e entramos na Alcaldía e no Salón de Plenos. Coñecemos a alcaldesa e a tenente da alcaldesa. Unha das peticións que fixemos acabou sendo unha solicitude que presentamos no Rexistro: 

Pedimos que haxa máis pasos de peóns  na Avenida de Marín.

Esperamos poder conseguilo; aínda que a tenente da alcaldesa nos dixo que era a Xunta a encargada desa avenida, pero que lle mandarían a nosa petición.

As fotos mostran a nosa presenza no salón de plenos coma se foramos concelleiros e concelleiras, alcaldesa  e público. 

GRAZAS   POR  ATENDERNOS!!!