CANDO CHEGA A NOITE...

Xa temos a nosa primeira misión do proxecto! Durante este mes investigaremos sobre... AS PROFESIÓNS NOCTURAS.

Por grupos, baixamos á biblioteca e lemos a carta que Paco nos deixou. Despois, sacamos un papeliño co nome da profesión que nos toca investigar. Descubrimos que hai moitísimas profesións nocturas.

Pronto veredes o resultado!!

COMEZA O NOSO PROXECTO...

 Polo Día das Bibliotecas Escolares vivimos un día moi especial na biblioteca de Quintela. Paco, a nosa mascota, preparounos unha sorpresa para dar comezo ao noso novo proxecto: "Cando chega a noite...".

Os nenos e nenas puideron gozar dun momento moi especial lendo contos á luz das lanternas, descubrindo que a biblioteca tamén pode ser un lugar máxico cando cae a noite. 

Pasámolo xenial e gozamos moitísimo desta experiencia tan diferente e divertida!

E isto non fixo máis que comezar… Cantas aventuras nos agardan cando chega a noite! 

DÍA DAS BIBLIOTECAS ESCOLARES

Polo Día das Bibliotecas Escolares, Paco, a nosa mascota, preparou a biblioteca para dar comezo ao noso novo proxecto: «De noite».

Neste vídeo podemos ver como quedou preparada a biblioteca para que, durante a xornada de hoxe, os nenos e nenas puidesen achegarse aos novos contos e descubrir todo o que agocha a noite.

E isto non fixo máis que comezar… A noite acaba de chegar a Quintela! 

Saída á Xunqueira

 A comezos de outubro o alumnado de 3º e 4º de primaria realizou unha saída á praia da Xunqueira para levar a cabo varias actividades relacionadas co medio ambiente. 

Esta actividade está organizada polo Club de remo de Meira que conta coa colaboración da  asociación "A illa dos ratos" para impartir as charlas.

Óscar e Lu faláronlles ao alumnado sobre:

•  A importancia de reducir o consumo de plásticos para que non acaben no mar e fagan dano á fauna mariña.
• O coidado das nosas praias e a biodiversidade das nosas costas, unindo o amor polo deporte do remo coa conservación da ría.

Todo isto levouse a cabo con actividades moi motivadoras para o alumnado.

Moitas grazas ao Club de remo de Meira e a asociación "A illa dos ratos"

Conto inicial en 3º

 O primeiro día de clase escoitamos un conto moi fermoso titulado Crictor.

Fixemos unha ficha de lectura e uns debuxos moi chulos.

Estacións de aprendizaxe en 3º

 Os xoves tócanos traballar por estacións. 

Temos tarefas de lingua, mates... e nunca falta un xogo.

Saúdo inicial de 3º

 Somos a clase de 3º e dámosvos a benvida ao noso blog.

Estamos vivindo unha nova experiencia neste curso con moita ilusión.

Seguro que faremos traballos moi interesantes.

 Animádevos a seguir o noso blog!

Benvidos 4º

 Bos días a tod@s!!!

Hoxe comenzamos unha nova andaina no cole. XA ESTAMOS EN CUARTO!!!

Inaguramos este novo curso co conto "Cousiña linda" que trata sobre o valor da amizade. 

Esperamos que vos gusten todas as actividades que imos facer.

Unha aperta

Remo en 4º e 5º de primaria

Grazas á S.D. Samertolameu de Meira por vir ensinarnos tanto sobre este deporte tan marabilloso e tan afincado no noso concello.

Obradoiro de froitas

Esta mañá, na clase de 4º, puxémonos mans á obra e traballamos con froitas para crear uns pratos moi ben decorados.

 Foi o remate do proxecto da biblioteca sobre o cal investigamos: "Froitas de temporada". 

Pasámolo xenial e, por suposto, as elaboracións estaban riquísimas!

 

Intercentros para 4º de primaria

 

Que ben o pasamos xogando ao Datchball, ao béisbol e ao volei praia na xornada de convivencia que tivemos co alumnado de 4º de primaria do cole de Tirán.

Xogade. Balonmán para 4º de primaria

 A semana pasada tivemos unha xornada de balonmán enmarcada dentro do programa XOGADE. Desprazámonos ata o pavillón de Romarigo para facer mini partidos de Datchball, Touchball e mini balonmán.

Pasámolo moi ben.

Trípticos Comunidades Autónomas en 4º

Na clase de 4º investigamos sobre as comunidades autónomas. 

Fixemos uns trípticos e unhas exposicións orais sobre cada tríptico.

 Aprendemos cousas moi interesantes.

 

Os bechos

 A alumnado de 3° estivo aprendendo sobre os bechos e así quedou reflexado nos libros que elaboraron e colocaron nunha mesa expositora. Tamén nos dan a opción de ver os traballos dixitalizados escaneando o código QR que aparece nos trípticos que fixeron.

Un traballo excelente!