Obradoiro de froitas

Esta mañá, na clase de 4º, puxémonos mans á obra e traballamos con froitas para crear uns pratos moi ben decorados.

 Foi o remate do proxecto da biblioteca sobre o cal investigamos: "Froitas de temporada". 

Pasámolo xenial e, por suposto, as elaboracións estaban riquísimas!

 

Intercentros para 4º de primaria

 

Que ben o pasamos xogando ao Datchball, ao béisbol e ao volei praia na xornada de convivencia que tivemos co alumnado de 4º de primaria do cole de Tirán.

Xogade. Balonmán para 4º de primaria

 A semana pasada tivemos unha xornada de balonmán enmarcada dentro do programa XOGADE. Desprazámonos ata o pavillón de Romarigo para facer mini partidos de Datchball, Touchball e mini balonmán.

Pasámolo moi ben.

Trípticos Comunidades Autónomas en 4º

Na clase de 4º investigamos sobre as comunidades autónomas. 

Fixemos uns trípticos e unhas exposicións orais sobre cada tríptico.

 Aprendemos cousas moi interesantes.

 

Os bechos

 A alumnado de 3° estivo aprendendo sobre os bechos e así quedou reflexado nos libros que elaboraron e colocaron nunha mesa expositora. Tamén nos dan a opción de ver os traballos dixitalizados escaneando o código QR que aparece nos trípticos que fixeron.

Un traballo excelente!

FESTIVAL LETRAS GALEGAS

As froitas de temporada

Paco, este curso, mandounos investigar sobre as froitas de temporada e fixemos un dicionario de froitas. Resultou un traballo moi interesante

 

Os nosos tesouros

Despois de escoitar con moita atención "O GRAN LIBRO DOS SUPERTESOUROS", decidimos compartir os nosos propios supertesouros.

Aquí vos deixamos unhas imaxes da riqueza dos nosos tesouros.

Descubrindo tesouros

Hoxe tivemos o pracer de contar cunha nai que nos leu un libro moi bonito. 

Aprendemos moitos tesouros importantes que están agochados nas persoas: a empatía, o cuidado dos demais, protexer a natureza, a alegría... estes só son algúns exemplos.

Todos e cada un de nós ten un súper tesouro. 

Que importante é coñecernos e valorar o que podemos aportar aos demais!

Monumentos de Moaña

Hoxe, o alumnado de terceiro, fomos coñecer os monumentos da nosa vila da man do gran Lito Portela. Esta saída está ubicada dentro do porgrama Aprende Moaña que nos ofrece o concello. Aprendemos moito sobre eles: quen foi o autor, de que material están feitos...

Salvemos os animais!

A semana pasada un grupo de nenas de 4º de primaria expuxeron un traballo de investigación para concienciar ao resto do alumnado do colexio sobre a importancia de coidar os animais.

Grazas a eles aprendemos moitos consellos para previr a súa extinción e evitar a caza furtiva.

Un traballo excelente compañeiras!!

 

Taller de educación emocional

 Estas últimas semanas temos, na clase de terceiro, unha actividade moi especial: un taller de educación emocional.

Nel estamos aprendendo moitas cousas como por exemplo a identificar como actuamos ante un conflito, como debemos falar e dar a nosa opinión sen ofender a ninguén...

Aquí deixámovos algunhas das actividades que fixemos.

Cosemos Leds en 3º de primaria

Na aula de 3º escribimos uns fermosos poemas que ilustramos e decoramos cun led que cosemos.

Quedáronnos fermosísimos!

XOGADE. Balonmán en 4º de primaria

 Onte tivemos a segunda e última xornada de balonmán dentro do programa XOGADE. Agora, esperamos o momento do encontro con outros centros para desfrutar deste deporte.

Maios 2026

 Hoxe visitamos o centro de día Contigo para facer o tradicional maio cos nosos amigos.  Ensináronnos  como se fai. Pasámolo moi ben todos xuntos.

Moitas grazas por invitarnos!!!

Obradoiros de radio en 4º

Este curso o alumnado de 4º animouse a facer guións para un podcast e cada equipo escolleu un tema para conversar.

Aquí vos deixamos os resultados.

Se queredes escoitarnos premede nos títulos.

ADIVIÑAS 

ARTISTAS DE CINE

CHISTES

CURIOSIDADES

MÚSICA

 

Exposición sobre "Os volcáns" en 4º

Esta semana o alumnado de 4º explicou ao alumnado de 2º o seu traballo de investigación sobre os volcáns que levaron a cabo no horario de Proxecto Competencial. 

Dámoslle as grazas á clase de 2º por escoitarnos con moita atención.

 

XOGADE. Balonmán para 4º de primaria

 O alumnado de 4º tivemos a sorte de recibir formación sobre balonmán da man do Club Balonmán Cangas.

Nesta primeira sesión, xogamos ao Datchball e ao Tchoukball, actividades moi relacionadas con este deporte.

Pasámolo moi ben.

23 de abril. Día do Libro

Os padriños e madriñas lectores desfrutaron dunha lectura mutua, de contos teatralizados e de momentos moi especiais na biblioteca.

Brigada de limpeza

 Bos días:

Despois dun inverno moi duro, retomamos as brigadas de limpeza no patio, xa que foran parcialmente suspendidas polo mal tempo. 

Estamos moi ilusionados...