Segundo ciclo en Quintela

30 de Xaneiro, Día da Paz

2012-01-20T09:46:00.004+01:00

Achégase o día da Paz, así que no cole imos traballar este tema a través das diversas áreas. Aquí temos unha serie de actividades específicas para traballar en informática.

sc

O Samaín en Quintela

2012-01-12T11:04:00.000+01:00

Os nenos e nenas de 3º curso estiveron traballando sobre o powerpoint ao longo do 1º trimestre. O tema que elixiron para crear o seu traballo foi o Samaín. Fixeron unha montaxe coas fotos dos cabazos que trouxeron ao cole.
Amosamos unha das montaxes feitas.

View more presentations from dinamizanormaliza.

Felicitación de 3º

2011-12-13T10:45:00.001+01:00

A clase de 3º queremos mostrar a felicitación feita por Jero e que foi elexida para a postal do colexio. Como nos gusta tanto acompañámola da foto das estrelas co noso retrato adornando a nosa árbore das estacións.

Ola desexámosvos un

BO NADAL

a todas e todos.

E, recordade,

que o máis importante do

NADAL

non son os agasallos,

senon, a ilusión dos nenos e dos pais.

FELIZ ANO

2012

A reprodución das plantas II, 3º curso

2011-12-06T10:05:00.001+01:00

En 3º seguimos interesados na reprodución das plantas. Xa comprobamos que xermolaban as sementes( reprodución sexual ) con só mollalas en auga e deixalas no algodón. Agora, fixemos o mesmo con elas; pero, enterrámolas en cadansúa maceta( lentellas, feixóns e garbanzos ). Mostrámosvos a fotografía do día da plantación( 2 de decembro ).

As lentellas foron as primeiras en nacer. Ao cabo duns días xa estaban así.

Pasaron uns días dende a plantación das sementes dos legumes e hoxe, 12 de decembro, chegamos a clase e atopamos a maceta das lentellas chea de pólas e a dos feixóns cuns brotes.Arriba está foto.

O mércores, 14 de decembro, as plantas xa estaban así.

O venres, 16 de decembro, seguían medrando. Notamos cambios dende as 9 ata as 2. Pero, os garbanzos seguen sen asomar.

Chegamos á última semana de clase do 1º trimestre, á semana das vacacións de Nadal! Os garbanzos seguen sen nacer; pero, os feixóns van para arriba e as lentellas comezan a tumbarse.

Estamos de volta. Hoxe, 9 de xaneiro de 2012, comprobamos que o proceso de crecemento das lentellas e dos feixóns foi adiante; pero, no caso dos garbanzos non tivemos sorte. Unha das causas puido ser que as propias sementes non serviran para a reprodución por algún problema no seu interior.
A partir de aquí ven a parte de maduración e por iso as plantas van perdendo forza nas pólas e nas folllas .

Con esta foto rematamos o seguimento desta experiencia. Con ela aprendemos a prestar atención ao que nos arrodea a través da observación directa e continuada.

Contos de ratiños en 4º curso

2011-11-30T22:34:00.000+01:00

Como xa sabedes, os nenos e nenas da aula de 4º curso, prepararon o conto de Arnold Lobel, "O rato e os ventos", para contarllo ao alumnado de 1º curso co Kamishibai. Aproveitamos o excelente traballo que fixeron para crear un pequeno video coas suas voces e ilustracións.

CONTO COLECTIVO DE 3º

2011-11-24T11:17:00.001+01:00

O XIGANTE E A PULGA

Érase unha vez unha pulga que sempre andaba a picar a un xigante.

Un día, o xigante cansouse e preparoulle unha trampa. A trampa consistía en debuxar un xigante nun papel e así a pulga picaríalle ao debuxo e o xigante aproveitaría para atrapar á pulga na súa man. Pero, ela picoulle e foise esconder debaixo dun montón de chícharos.

Ao final, o xigante comeu os chícharos e a pulga quedou nun dos dentes do xigante. Cando este estaba durmindo saíu a pulga e picoulle nun ollo. Dende entón, o xigante tenlle medo ás pulgas.

A reprodución das plantas I

2011-11-22T11:22:00.001+01:00

En 3º demos a reprodución das plantas en c. do medio porque estamos estudando os seres vivos. Descubrimos que as plantas reprodúcense de 2 maneiras: de forma sexual e de forma non sexual. Para comprobalo fixemos a experiencia na aula e sacamos fotos para comprobar o paso do tempo.

Reprodución sexual: sementes de legumes

Reprodución non sexual: espicho de drácena

2011-11-21T22:35:00.000+01:00

Na clase de 4º estivemos estudando as plantas. Diego quixo saber como xerminaba unha lentella e fixo o experimento na súa casa.Utilizou un vaso con algodón húmido e pasados uns días, aquí temos o resultado.Algúns compañeiros xa se animaron con outras plantas.

Debate en 3º

2011-11-21T14:12:00.001+01:00

Debemos comer só o que nos gusta?

Formáronse 2 grupos: os do NON e os do SI. Cada grupo preparou as súas respostas na casa. Despois, houbo unha posta en común para organizarse á hora de falar( non repetirse, opinar todos, ... ). Por último, chegou o día do debate. Os dous grupos deron as súas opinións:

NON

Porque se só comemos o que nos gusta non estamos ben alimentados. Porque así estamos máis fortes. Porque o teu corpo está máis san. Porque nos faltarían vitaminas, minerais, hidratos de carbono,proteínas, ... Debemos comer un pouco de cada cousa. Porque medramos cunha boa alimentación. Porque así os teus músculos están máis fortes. Hai que comer de todo.

Porque o mellor é comer o que se quere e así comemos todo. Eu como o que me gusta de cada comida. Non temos todos os mesmos gustos. Hai que comer o que nos gusta porque hai que comer rico. Porque así temos a receita do que comemos máis perfeccionada. Porque así sabemos que os ingredientes desas comidas non nos producen alerxia. Tardaríamos moito en comer e quitaríansenos as ganas de comer.

Estas foron as respostas dadas por cada grupo. Algunhas repetíanse e outras dicían o mesmo con palabras diferentes.

CONCLUSIÓN

A pesar de que apeteza comer o que nos gusta, temos que comer de todo para medrar con boa saúde.

Comamos verduras, frutas, peixe, carne!

( Pero, algo de doce tamén )

O rato e os ventos

2011-11-16T22:49:00.000+01:00

A semana pasada os nenos e nenas de 4º visitamos aos compañeiros de 1º. Yoel e Mauro foron os encargados de contarlles o conto " O rato e os ventos ".Como foi a nosa primeira experiencia, estabamos un pouco nerviosos pero, polos aplausos que recibimos, parece que lles gustou moito o conto. Xa repetiremos!

Xoga no Samain

2011-10-29T11:50:00.003+02:00

No CEIP A Pedra de Bueu fixeron este xogo de conxuros. Proba a facelos

Non esquezas entrar no blog do noso cole para ver as cabazas que fixestes

Que é o Samaín?

2011-10-28T19:34:00.001+02:00

Samaín

View more presentations from bibliotecadocole

O crebacabezas de 3º

2011-10-27T11:56:00.002+02:00

Dende a 1ª semana do curso dedicamos ratos libres a compoñer un crebacabezas de Harry Potter difícil porque as pezas eran bastante escuras e moi semellantes.

Yaiza e Martín foron os que máis empeño puxeron en armalo e aproveitaron calquer momento dispoñible para poñer o ollo nel. Malena e Jero tamén puxeron interese.

O traballo durou ata mediados de outubro. A alegría do remate non foi total porque descubrimos que faltaban 2 pezas. Agora veredes as imaxes.

2011-10-24T18:35:00.000+02:00

Chega o Samaín a escola. Entrade na páxina e seleccionade algún dos numerosos recursos que ten:

Minimaladas de 3º

2011-10-20T11:30:00.004+02:00

Esta era unha ovella que comeu tanta herba que se puso verde e todas as demais ovellas pensaron que o verde era tan bonito que se pintaron a lá de verde, tamén. Un día, o pastor confundiu ás ovillas cun montón de follas verdes.

María

Esta era unha cebra que non tiña raias negras. Conseguiu un traballo de pintora e pintouse lunares de cores.

Pablo

Esta era unha xirafa tan alta que non miraba o chan e un día caeu á auga e se encheu de algas. As demais xirafas comeron as algas porque pensaron que era unha árbore con patas.

Javier

Este era un golfiño que ía sempre na parte traseira do barco de Moaña e chegou o día no que se converteu en hélice.

Lucía

Esta era unha cebra que traballaba de pintora. Un día quixo pintarse pero a súa nai non lle deixou porque despois dáballe máis traballo a ela a ao pai e castigábanna sen ver a tele.

Patricia

Este era un insecto folla que se parecía tanto ao chan que todo o mundo o pisaba.

Adrián

Esta era unha foca que nadaba demasiado. Un día estaba nadando sobre as ondas e naceulle unha onda na cola.

Malena

Esta era unha foca á que non lle gustaba a súa cor. E un día fíxose pintora e pintouse de mil cores. Pero, ao final, bañouse e as cores borráronse.

Yaiza

Esta era unha cebra á que coa chuva borráronselle as raias.

Anxo C.

Este era un caracol que a súa cuncha se semellaba tanto a unha casa que ata tiña os mobles dentro.

Martín

Esta era unha ovella que saltou do trampolín e quedouse no ceo e logo, todos creron que era unha nube.

Jero

Este era un canguro que saltou tan alto tan alto que quedou nunha montaña e todos pensaban que era unha montaña con ollos.

Naima

Este era un mono que se tiraba da tirolina e sempre caía patas arriba.

Yann

Esta era unha ovella que se meteu na neve a buscar comida e pisáronna porque non se distinguía.

Anxo O.

Este era un cabalo que traballaba moito e quedou sen alento.

Laura

NOVIDADES EN 4º CURSO

2011-10-09T09:12:00.001+02:00

Logo dun verán emocionante, o alumnado de 4º atopámonos con varios cambios na nosa aula ao voltar ao cole. Sabiamos que algún compañeiro/a ía cambiar de colexio; pero a sorpresa foi atoparnos con novos compañeiros cando chegamos a aula. Algún xa estaba no cole, pero tamén viu unha compañeira nova, Alba Díez. Menudo lío teñen as profes con tres Albas na clase!
Estamos moi contentos e contentas cos cambios; así que desexamos un bo curso a todos e todas!

VOLVEMOS AO COLE!

2011-10-09T08:57:00.002+02:00

Os nenos e nenas de 3º curso, volvemos ao cole con moitas ganas de estar cos nosos compañeiros e compañeiras no
inicio desta nova etapa educativa que é o segundo ciclo. Desde a aula de 3º queremos desexar a todo o alumnado un estupendo curso!

O espantallo amigo en video

2011-07-09T21:59:00.001+02:00

Este é o vídeo da adaptación da obra "Espantallo amigo" de Neira Vilas, representado polo alumnado de 4º curso:

Último día en cuarto curso

2011-06-22T20:18:00.002+02:00

Hoxe foi un día moi especial na clase de cuarto.

Fixemos motas cousas:

recollemos a clase, xogamos, merendamos os ricos postres que trouxeron da casa, fomos ao auditorio Daniel Castelao a escoitar unha actuación musical, bailamos,..

E ao final sentámonos un pouco para falar destes dous cursos: do que nos queremos, das cousas que nos pasaron, do que rimos xuntos,...e claro, houbo moitos bicos e abrazos, e algúns choraron un pouquichiño.

Foi un pracer compartir con vós estes dous cursos.
Moitos bicos para todos
Isa

2011-06-17T11:16:00.000+02:00

Esta semana na clase de 3º estivemos practicando no wordart. Pasámolo moi ben facendo distintos tipos de letras.

Repasando os materiais

2011-06-01T11:06:00.000+02:00

Repasa os materiais premendo AQUÍ

Máquinas e ferramentas

2011-06-01T11:04:00.000+02:00

Entra no xogo premendo AQUÍ

O espantallo amigo

2011-05-28T18:30:00.000+02:00

Os nenos e nenas de cuarto representamos unha adaptación de "O espantallo amigo" de X. Neira Vilas no festival das letras galegas do cole.

Algunhas fotos do viaxe a Taragoña

2011-05-28T18:16:00.000+02:00

Que ben o pasamos en Taragoña! Estas son algunhas das fotos de ese día. Na clase de cuarto estamos facendo en banda deseñada a historía do día:

Imos a Taragoña

2011-05-24T20:28:00.000+02:00

Mañá mércores, os nenos e nenas de 2º, 3º, 4º e 5º de Primaria, imos de viaxe a Taragoña. Volveremos a pasar un día enteiro cos nosos amigos e amigas do CEP Brea Segade.
Estamos desexando ir!Eles levan todo o curso traballando a pintura, dentro do seu proxecto de bibiblioteca. Nós levámoslle de agasallo os traballos sobre os pintores e pintoras galegas que fixemos en cada curso.
Dentro de uns días os recibiremos nós en Moaña.
Ata a volta!

Óscar e Noa de 4º curso en Madrid

2011-05-19T11:30:00.004+02:00

Educación documental e Letras galegs

2011-05-17T20:11:00.000+02:00

Para os nenos e nenas do 2º e 3ºciclo, tedes AQUI unha ficha para cubrir sobre Lois Pereiro.
Xa sabedes que para cubrilo, tedes toda a información necesaria no blog Dinamiza Normaliza, ou no menú lateral do blog da Bibliotecadocole.

Unha vez cuberto, entregao ao teu titor/a, e recibirás un agasallo.

Oscar e Noa

2011-05-13T23:43:00.000+02:00

Óscar e Noa, os alumnos que foron a Madrid contanns como foi ese día

Open publication - Free publishing - More biblioteca

Fotos AQUI

Letras Galegas 2

2011-05-09T17:01:00.000+02:00

AQUÍ tedes outra activIdade.:

Letras Galegas 1

2011-05-09T16:58:00.000+02:00

Este ano adicamoslle o Día das Letras Galegas Lois Pereiro. Tedes AQUI a ligazón a este xogo do Seminario Galán.

Un interesante debate na clase de cuarto

2011-05-04T22:10:00.000+02:00

Na clase de 4º aprendemos como debe ser un debate. E logo decidimos levalo á práctica. Escollemos o tema" A televisión ". A metade da clase debía argumentar a favor de ver a televisión , e a outra metade tiña que argumentar en contra de ver a televisión.
Houbo un periodo de "reflexión" de unha semana, para preparar argumentos de cara ao debate.
E hoxe fixose na clase, e resultou moi ben. Os argumentos foron serios, e interesantes.
Mirade o inicio:

Terceiro recomenda....

2011-05-04T21:35:00.002+02:00

Na hora de biblioteca cada martes, os nenos e nenas de terceiro foron recomendándolle aos compañeiros as súas lecturas favoritas. Vede aquí as fotos:

Sexto bota chispas

2011-05-04T20:20:00.004+02:00

Así é como lle chaman os nenos e nenas de sexto do cole a unha exposición de xogos e experiencias que fixeron con circuitos eléctricos e imáns.
Como tiñamos tanta curiosidade, viñeron a o resto dos curso de primaria a explicarnos o que fixeron e para que sirven.
Había un semáforo, un xogo de preguntas e respostas, un campo magnético, un xogo de habilidade, un circuito para discapacitados,...todo moi chulo!

A cebra Camila viaxa a Madrid

2011-04-30T21:55:00.000+02:00

O martes 11 de maio vaise celebrar en Madrid a entrega de premios de "Boas prácticas na innovación e dinamización da biblioteca escolar"
O noso cole estará alí para recibir o seu premio, representado polo director, a coordinadora de biblioteca, e a coordinadora de Normalización.
Ademais, dous nenos da clase de cuarto (Noa e Óscar) van estar alí, para contarlles aos presentes o conto da Cebra Camila, coa técnica do Kamishibai.
Van a representar a todos os nenos e nenas do cole de Quintela. Vanno facer moi ben!

Seguimos contando contos

2011-04-28T21:12:00.000+02:00

Os nenos e nenas de 4º preparamos o conto de Elmer para contarlle co kamishibai aos máis pequenos do cole.
Levounos moito tempo facer as ilustracións, porque había que facer moitos elefantes, pero quedóunos moi ben.
O mércores Sara, Daniel e Rodrigo contáronlle o conto aos pequenos de 6º de Infantil. Alí está Silvia, a irmá de Daniel, que escoitou ao seu irmá con moita atención.
Hoxe, xoves, Noa, Rubén e Aarón contáronlle o conto aos nenos e nenas de 5º de Infantil. Noa estaba moi contenta porque alí está a súa irmá Saray.

Pero ademáis os de 4º explicáronlle aos pequenos onde están os seus libros, e como gardalos ben na biblioteca. Logo puxéronlle "deberes": gardar ben os libros que lles deron.
Os encargados de explicar foron: Yoly, Rubén, Rodrigo, Alex e Óscar.

2011-04-12T09:20:00.000+02:00

Esta balsa tan grande que vos amosamos fíxoa Ismael coa axuda da súa nai. Utilizou moitas canas, cordas e teas. Quedoulle ben bonita.

2011-04-12T09:14:00.000+02:00

Diego amosounos onte unha bonita colección de areas, cunchas, rochas... de diferentes praias do mundo ( Madeira,Croacia...) Recolleunas durante as viaxes que fixo coa súa familia. Chamounos a atención as diferencias, sobre todo nas cores, que existen entre unhas e outras.

Mira as nosas ilustracións

2011-04-11T20:52:00.002+02:00

Mirade que bonitas ilustracións fixeron os nenos e nenas de 4º de Violeta non é Violeta para agasallar a Xosé Neira Cruz:

Open publication - Free publishing - More edu

Plantamos no horto

2011-04-11T20:20:00.000+02:00

Esta ano plantamos patacas. Estarán listas cando remate o curso? Teremos unha boa colleita?

Aprendemos a dar "conferencias"

2011-04-11T20:01:00.000+02:00

En cuarto curso seguimos practicando para expoñer en público.
Esta vez o tema era voluntario.Habia que preparalo na casa.
Daniel falounos da mecánica dos coches, e para eso pediulle axuda ao seu pai, que sabe moito de coches.
André quiso falarnos de dragóns, porque é un tema que lle gusta, ainda que xa nos explicou que os únicos dragóns de verdade son os de Comodo.
Dani falounos de patos, porque ten na súa casa. Mesmo nos trouxo un ovo de pato e outro de galiña, para que viramos a diferencia.

Tamén falaron : Candela da moda, Antía do carnaval, Rodrigo de fútbol, Sara de cómic manga, Estefanía da auga, Óscar de animais, Noa de minerais, e Liset da auga tamén

Terceiro presenta...

2011-03-28T21:19:00.000+02:00

Os nenos e nenas de 3º presentan...

Falamos co autor de...

2011-03-28T16:48:00.000+02:00

O venres recibimos na biblioteca escolar ao autor do libro que limos últimamente: "Violeta non é Violeta" do escritor X.A. Neira Cruz.
Estivemos os maiores do colexio: 4º, 5º e 6º curso.
O autor gustóunos moito, respondeu as nosa preguntas, e contounos que está a escribir a continuación. Que ben! Os de cuarto regalámoslle as ilustracións que fixemos do seu libro. Gustáronlle moito.

2011-03-25T09:44:00.000+01:00

A semana pasada Yoel amosounos dous inventos que fixo coa axuda da súa familia. O primeiro deles é un muíño de vento e o segundo é un tirapedras. Para o muíño de vento precisou moita axuda por parte do seu pai. Quedáronlle moi ben feitiños.

Marcial tamén nos quixo amosar o seu invento: unha panca e Ainhoa tróuxonos o seu muíño de vento.

Leti tamén nos explicou como funciona o seu tirapapeis.

Hoxe ensinamos aos pequenos como buscar os libros na biblioteca

2011-03-23T19:30:00.000+01:00

Hoxe Liset, Candela, Rodrigo e Noa, estiveron co alumnado de 2º de Primaria, para darlles unha lección práctica de formación de usuarios. Traballaron con eles en grupos pequenos. Despois da súa explicación, puxéronlles tarea: gardar libros de diferentes temas, no sitio correcto:

Nos próximos días irán os demais a 1º e a Infantil, para recordarlles como debemos gardar os libros.

Así é Moaña

2011-03-21T17:22:00.000+01:00

Feito por Rodrigo de 4º

Un xogo para os de terceiro

2011-03-18T19:54:00.000+01:00

Como están estudando as máqueinas, poñemos de novo aquí un par de xogos do MEC.

Uso saudable do ordenador.

2011-03-18T19:50:00.000+01:00

Para un uso saudable do ordenador por parte de toda a familia:

Máquinas

2011-03-18T09:33:00.000+01:00

Esta semana, Nicole amosounos unha máquina moi especial :"Fabrica algogón de azucre"e poidemos comprobalo na clase. Seu pai axudoulle a facela porque o seu funcionamento é un pouco complicado.Quedamos moi sorprendidos.

María tamén nos amosou un avión feito coa axuda do seu pai e seu irmán. Utilizou moitas pezas e puidemos comprobar como se movía. Quedoulle moi chulo.

Manuel quixo amosarnos o seu tirapedras. Fíxoo cun pau e unha goma e pásao xenial xogando no seu xardín.

2011-03-15T12:49:00.000+01:00

Un conto máis na biblioteca
Esta semana Leticia e Ainhoa contáronnos o conto titulado "O flautista de Hamelin". A Leti gústalle moito esta historia e quixeron compartila con todos nós.

Saimos na tele por internet

2011-03-14T23:53:00.001+01:00

Lingua galega tv, a canle de televisión por internet, subvencionada pola Secretaría Xeral de Política Lingüística ven de publicar o vídeo filmado no noso centro sobre o Proxecto de Innovación en Normalización Lingüística, agora de Dinamización .

Para acceder, hai que seleccionar do primeiro grupo de vídeos "Lingua, cámara, acción", clicando na pestana branca, o titulado "Premios de Innovación en Dinamización Lingüística. Preme na 1ª imaxe

A investigar!

2011-03-14T20:58:00.002+01:00

A investigar

View more presentations or Upload your own.

O Entroido

2011-03-14T19:28:00.000+01:00

Este curso os nenos e nenas de Quintela disfrázanos de Curruvellos. Queredes saber o que é?

E a maneira tradiconal de disfrazarse en Moaña.

Fixemos unha enquisa nas nosas familias, e logo coas respostas en segundo ciclo elaboramos todos xuntos este texto, que puxemos na entrada do colexio, xunto coas fotos antigas que recollemos:

"Os curruvellos:

Os nenos e os xóvenes eran os que se disfrazaban de curruvellos. Moitos ian sós, pero a maioria ían en grupo.
Na cara levaban un pano ou unha carauta.
A cabeza ía cuberta cun pano, ou moi pintada e con gafas sen cristais. Outros levaban gorras.
Vestían un vestido con remendos, ou unha falda vella, unha blusa e unhas medias.Tamén unha toquilla.Si querían ir de homes, levaban chaquetas, pantalóns e camisas grandes e vellas.

Nos pés levaban zapatos vellos ou prestados, ou zocos.

Unha vez vestidos, recorrian o pobo ou o barrio asustando a xente, e metendose con ela. Algúns levaban un pao para darlle nas pernas.

Saíase en pandilla e dábase unha volta polo barrio meténdose coa xente.

O máis divertido era asustar a sente, gastarlle bromas aos familiares e amigos, aproveitando que nos os recoñecían."

O ameneiro e o castiñeiro

2011-03-09T20:59:00.003+01:00

Yolanda e Noa fixeron esta presentación:

O Ameneiro

View more presentations or Upload your own.

Liset e Óscar son os autores de esta presentación:

O Castiñeiro

View more presentations or Upload your own.

Loureiro e Eucalipto

2011-03-09T20:52:00.000+01:00

André e Rodrigo prepararon esta presentación sobre o loureiro:

Loureiro

View more presentations or Upload your own.

Rubén e Estafanía fálannos do eucalipto:

Eucalipto

View more presentations or Upload your own.

As árbores de Moaña

2011-03-09T20:40:00.000+01:00

Os nenos e nenas de 4º fixeron un "estudio" sobre algunhas das árbores máis abundantes en Moaña. E cos datos recollidos, fixeron presentacións, que xa lles saen de maravilla.
Aquí a de Aarón e Antía:

A mimosa

View more presentations or Upload your own.

Esta é a de Dani e Daniel:

Carballo

View more presentations or Upload your own.

Máis máquinas

2011-03-03T11:09:00.003+01:00

Seguimos con máis máquinas en 3º. Alba Santomé trouxo á clase un pozo feito con barro.Esta máquina serve para exercer forza. A verdade é que lle saíu moi ben.

Brais amosounos o seu avión feito con canas. Serve para medir a forza do vento. Brais explicounos que a aspa da esquerda mide o vento suave e a da dereita o vento forte. Díxonos que lle levou tempo facelo porque tivo que probalas aspas para ver se xiraban ben.

2011-02-28T13:32:00.000+01:00

Na clase de 3º estamos falando sobre as máquinas. Daniela fixo na súa casa unha máquina simple, algo parecido aos paus chinos. Utilizou dous paus e unha pinza.Como vedes, serve para agarrar cousas.
Gustounos moito a súa idea.

Xogo Lim sobre o entroido

2011-02-25T00:09:00.003+01:00

En Educa con Lim
Preme na imaxe e aprenderás como se celebrao entroido noutos lugares de Galicia.

Unha clase de botánica

2011-02-24T19:56:00.002+01:00

Hoxe o alumnado de 5º deulles unha clase de botánica aos nenos e nenas de 4º curso.Explicáronlles os tipos de plantas, as formas das follas, e como se reproducen as plantas.

Foi unha clase moi interesante!

Rematamos os contos

2011-02-24T19:39:00.001+01:00

Hoxe na hora de ler, Dani, André e Estefanía de 4º foron contarlle o conto da Cebra Camila aos compañeiros de 3º de Primaria.

Os de terceiro querían saber como fan os de 4º, porque están a preparar un conto. Pronto os veremos!

CONTOS NA BIBLIOTECA

2011-02-22T11:46:00.000+01:00

Esta semana na clase de 3º empezamos a contar contos na hora de Biblioteca.
Os primeiros en facelo foron María e Yoel. Escolleron un conto titulado "Una momia muy responsable". A historia resultou entretida e fixérono bastante ben.

Queredes saber porqué....

2011-02-14T23:48:00.007+01:00

os de 4º decidimos aprender cousas sobre os tiburóns?
Todo empezou un dia ...

Proxecto tiburóns

View more presentations or Upload your own.

Contos de ratiños

2011-02-11T10:50:00.002+01:00

Na clase de 3º estamos lendo "Contos de Ratiños" de Arnold Lobel. Estanos gustando moito.
María opina:Resúltame moi gracioso este libro. Os ratos son os meus animais favoritos.
Leticia opina:este libro ten unhas ilustracións moi bonitas.
Xa vos seguiremos contando...

Kamishibai para os de tres 3 anos.

2011-02-10T19:04:00.001+01:00

Papás e mamás, animádevos

2011-02-10T18:26:00.005+01:00

Os nenos e nenas de segundo e terceiro ciclo do cole estamos facendo cartas de amor.
Despois imos presentalas ao concurso de cartas de amor que convoca a biblioteca do noso cole, por segundo ano.
Este curso tamén hai concurso para pais e nais. Animádevos.
Mirade aqui si queredes saber mais.

Usando o Kamishibai

2011-02-10T18:10:00.007+01:00

Os nenos e nenas de 4º preparamos o conto da Cebra Camila, para contarlle aos nenos pequenos do cole.Queríamos usar o kamishibai, que é un teatrillo pequeno.
Fixemos uns debuxos do conto, e por detrás está o texto.
Logo ensaiamos en grupos de tres, e cando estivemos listos, empezou a actuación.

Primeiro Liset, Oscar e Aarón contáronllo aos nenos e nenas de 1º. Uns dias despois, eles agasallaronnos cuns debuxos preciosos da Cebra Camila.

Despois Rodrigo, Candela e Yoli "actuaron" para os nenos de 6º de Infantil. A súa profes gravounos en video.

Hoxe Daniel, Rubén e Estefania contaronllo aos nenos e nenas
máis pequenos do cole. Que atentos estiveron!!!

Como nos gusta tanto "actuar" seguiremos con outros cursos. Xa vos iremos contando!!

A auga en Moaña. Un paseo polos ríos

2011-01-26T19:34:00.009+01:00

Os nenos e nenas de cuarto aprendemos o nome e onde están situados os ríos de Moaña, e cada un fixo un plano de Moaña cos rios.
Logo decidimos ir a ver o río Rialdarca, o río Pontillón e o río da Fraga ou dos Ladróns, e ir anotando no plano os sitios por onde iamos.
E invitamos aos de terceiro a vir con nós:

LIM sobre o día da Paz

2011-01-23T22:39:00.005+01:00

Belén Junquera elaborou este Libro Interactivo multimedia sobre a Paz. Preme na imaxe para xogar:

As nosas mascotas

2011-01-23T19:38:00.003+01:00

Aquí deixamos un vídeo sobre as mascotas que temos os de terceiro. Escoitade, xa veredes que cousas máis curiosas fan:

Os de cuarto e os ríos

2011-01-20T18:32:00.004+01:00

Mirade, atopei unhas páxinas que vos poden axudar no que estades buscando.
Xa me contaredes!!

O Amazonas
Ríos máis importantes do mundo

Para a recollida de datos, ides estrear os novos cadernos de investigación.

Árbores curiosos

2011-01-18T12:26:00.011+01:00

Na clase de 4º estamos aprendendo cousas sobre as plantas. E falamos de plantas curiosas:

Falamos da acacia de Teneré, que está no deserto do Sahara, e que é a árbore máis aillada do mundo.
Tamén das árbores máis curiosas:
As máis antigas, que son os ginkgo.
Os máis grandes, as sequoias.
Os máis altos, os eucaliptos.
Os máis anchos, os cipreses mexicanos.
Os de silueta máis especial, os baobas.
Todo esto o aprendemos no blog Natura curiosa.

A tartaruga de coiro e a lagarta da Serra

2011-01-11T20:07:00.004+01:00

Nicole e Manuel aprenderon esto das tartarugas de coiro:

Tartaruga de coiro

View more presentations or Upload your own.

Javier e Alba investigaron a lagarta da SerraLagarta da Serra

View more presentations or Upload your own.

Rá de Santo Antonio e saramaganta

2011-01-11T19:57:00.004+01:00

Martín e Yoel investigaron a rá de Santo Antón:

RÁ DE SANTO ANTÓN

View more presentations or Upload your own.

Leti e Iria investigaron a saramaganta:

Saramaganta

View more presentations or Upload your own.

Oso pardo e pita do monte

2011-01-11T19:46:00.002+01:00

Alvaro e Ainhoa fálanos do oso pardo:

OSO PARDO

View more presentations or Upload your own.

Maria e Diego investigaron sobre a pita do monte:

Pita do monte

View more presentations or Upload your own.

Corvo mariño e mazarico real

2011-01-11T19:36:00.004+01:00

Brais e Daniela investigaron sobre o corvo mariño:

Corvo mariño cristado

View more presentations or Upload your own.

Mauro e Elena fálannos do mazarico real:

Mazarico real

View more presentations or Upload your own.

A andoriña do mar, e a aguia real

2011-01-11T19:28:00.005+01:00

Tamén os nenos e nenas de 3º fixeron unha pequena investigación sobre animais protexidos en Galicia. Logo fixeron presentacións de diapositivas co aprendido. Son uns artistas!!!
Esta é de Xiana, Ismael e Marcial:

Andoriña do mar

View more presentations or Upload your own.

Esta é de Alba e Jonathan:

AGUIA REAL

View more presentations or Upload your own.

Ano Internacional dos bosques

2011-01-08T13:19:00.003+01:00

Esta ano 2011 é o Ano Internacional dos bosques, según declarou a ONU.
Entra en Edufores (Programa de Educación forestal), e xoga.
Hai moitos xogos, para loitar contra o lume, xogos de verdadeiro ou falso, crebacabezas de animais e de árbores, xogos de arrastrar,..

Felices festas

2010-12-24T21:07:00.000+01:00

Árbores de Nadal

2010-12-17T09:21:00.003+01:00

O alumnado do segundo ciclo fixemos unhas árbores de Nadal para decorar o colexio.
Por detrás de cada foto os nenos e nenas escribimos algo positivo sobre o compañeiro ou compañeira que nos tocou por sorteo.
Pasámolo moi ben facendo este traballo.

Power point sobre os tiburóns

2010-12-17T09:12:00.003+01:00

O alumnado de 3º fomos onte á presentación do traballo sobre os tiburóns dos nenos e nenas de 4º. Yoli e Noa contáronnos moitas cousas interesantes sobre estes animais.

A mascota de Mauro

2010-12-16T13:26:00.004+01:00

A mascota de Mauro chámase Chop. É un hámster e gústalle moito o espagueti crudo. Esta mañá tivémolo na clase e parece estar moi a gusto.

Investigando

2010-12-04T11:18:00.003+01:00

Os nenos e nenas de segundo ciclo andan investigando. Os de 4º estiveron traballando os tiburóns, e xa solo lles faltan as exposicións orais, que empezaron a preparar esta semana.
Os nenos e nenas de 3º están traballando os animais en perigo de extinción en Galicia, e
pronto veremos o resultado final dos seus traballos.
Quedanvos aquí uns consellos do profesor Nestor Alonso:
Como facer un traballo de investigación
Como facer unha boa exposición oral

Como se fai un iglú

2010-12-04T10:43:00.003+01:00

En Chicos.net publican o diario de viaxe de dous guardabosques que estiveron na Antártida.

Fai frío, moito frío. Nunca vos preguntastes como se fai un iglú?

Premede na foto:

Última presentación

2010-12-02T15:23:00.000+01:00

Está é a última presentación:

Os tiburóns 7

View more presentations or Upload your own.

Seguimos cos tiburóns

2010-12-02T14:34:00.000+01:00

Esta é a presentación de Noa e Yoli. A elas gústalles cambiar o deseño de cada diapositiva:

Os Tiburóns 5

View more presentations or Upload your own.

Estefanía e Candela son as autoras da seguinte presentación:

Os tiburòns 6

View more presentations or Upload your own.

Máis tiburóns

2010-12-02T14:03:00.000+01:00

André e Antía:

Os tiburóns 3

View more presentations or Upload your own.

Rodrigo e Rubén:

Os tiburóns 4

View more presentations or Upload your own.

Aprendemos cousas.

2010-12-01T20:40:00.006+01:00

O alumnado de 4º estivo investigando sobre os tiburóns. Como parte do traballo, elaboraron por parellas unhas presentacións dixitais.
Agora están preparando a exposición oral para facer diante dos compañeiros.
Imos mostravos algunhas das presentacións:

Sara e Liset:

Os tiburòns 1

View more presentations or Upload your own.

Daniel e Dani:

Os tiburóns 2

View more presentations or Upload your own.

Plantación

2010-12-01T12:25:00.003+01:00

Onte na clase de 3º fixemos unha plantación de xacintos. E unha actividade dentro do proxecto Voz Natura que estamos a desenvolver no centro. Xa vos contaremos como van medrando.

Os audiovisuais

2010-11-24T20:44:00.003+01:00

Os nenos e nenas de terceiro estamos facendo un libro moi bonito sobre as nosas mascotas. Como está quedando moi chulo, imos facer un audiovisual con él.

Onte a profe Gloria empezou a gravar as voces.

Viñeron de Lingua galega. tv a gravarnos e puxemonos un pouco nerviosos.Pero as profes din que nos vai quedar moi chulo.

Os tiburóns

2010-11-24T20:38:00.006+01:00

Onte os nenos e nenas de 4º curso estivemos traballando nas presentacións dixitais sobre os tiburóns.

Despois do que aprendemos buscando nos libros e na rede, estamos facendo uns traballos moi chulos .

Fixemos fotos das ilustracións, e as descargamos nós solos.

Agora, cando estén rematados os traballos, imos ir aos outros cursos a poñerlles as nosas diapositivas.

Viñeron gravarnos mentras traballabamos e imos sair en Lingua galega. tv

Zari, a cadela guía

2010-11-23T15:02:00.004+01:00

O outro dia veu unha moza cega coa súa cadela guía ao cole, e contounos como convive coa cadela.
Díxonos que si vemos a alguén con un can guía, hai que pedirlle permiso ao dono para acariñalo. Tamén nos contou que estos cans están moi limpos porque teñen que ir ao súper. O can chámase Zari.
Zari vai moito ao veterinario e tamén vai a peluquería e ao dentista.
Candela 4º curso

Hoxe visitounos na escola unha moza con problemas de vista. Tiña unha cadela guía.
Fomos á biblioteca, e escoitamos varias cousas:
Como a adiestraban, canto tempo tardou en adaptarse a ela, e que cando leva o arnés, quere dicir que está traballando.
Ao final deixounos acariciala.
Aarón 4º curso

O luns veu ao cole unha rapaza con problemas de visión, coa súa cadela guía.
A dona chámase Susana, e a cadela Zari.
Susana explicounos moitas cousas:
Que a cadela tiña 4 anos, e levaba 3 anos con ela, porque o 1º ano todos os cans guía teñen que ir á escola.
E o final acaricíamola.
Óscar 4º curso

Carta de Paco para 3º curso

2010-11-19T10:00:00.000+01:00

QUERIDOS AMIGOS E AMIGAS DE TERCEIRO:

Levo xa nove anos na biblioteca do voso cole e aínda non me ensinastes como é o pobo onde vivimos.

Este ano gustaríame coñecer un pouco máis de Moaña,onde está, como se chaman os seus ríos, as praias, as festas, en que traballan as súas xentes...

SABEDES QUE 2010 É O ANO INTERNACIONAL DA AUGA?

Vexo que en Moaña chove moito.
Poderiades dicirme de onde sae tanta chuvia e como se fabrica ?

Espero as vosas respostas!

Para buscar a información, na biblioteca escolar, ou na páxina de recursos:

PROXECTO AUGA

Carta de Paco para 4º curso

2010-11-18T12:01:00.000+01:00

QUERIDOS AMIGOS E AMIGAS DE CUARTO:

Levo xa nove anos na biblioteca do voso cole e aínda non me ensinastes como é o pobo onde vivimos.

Quixera saber cantos ríos hai en Moaña, e onde está situados.
Poderedes facerme un mapa para que eu os vexa? Sabedes algunha historia de algún deles ?
E dos outros ríos do mundo,sabedes algunha cousa curiosa?

Espero as vosas respostas!

Para buscar a información, na biblioteca escolar, ou na páxina de recursos:

PROXECTO AUGA

Teatro en Vigo

2010-11-17T21:36:00.000+01:00

Hoxe os nenos e nenas de 3º e 4º fomos a Vigo, a ver unha obra de teatro en Inglés. Viñeron con nós as nosas titoras, María a profe de Inglés, e Eric, o auxiliar de conversa.

Mentras non empezaba xogamos un pouco, pero logo estivemos moi atentos.

Magosto no colexio

2010-11-09T22:04:00.002+01:00

Mañá temos o magosto no colexio. Haberá xogos, e comeremos castañas asadas. Os nenos e nenas de 3º e 4º fixemos cucuruchos para gardar as castañas.

Lectura

2010-11-05T16:12:00.005+01:00

Na clase de 3º rematamos de ler "CATRO PITAS" de Xavier López.
María opina que foi un libro interesante porque as pitas argallaron un plan para que non lles collesen os ovos.
A Daniela gustoulle porque ten partes moi graciosas e divertidas.
A Ismael tamén lle gustou porque lle encantan os animais e as historias sobre eles.
En xeral o relato gustou porque a trama é interesante e graciosa.
Animádevos a lelo!

Un liscanzo na clase

2010-11-03T13:41:00.004+01:00

Esta mañá Nicole trouxo á clase de 3º un liscanzo. Atopouno no seu xardín. Despois de amosárnolo deixouno libre de novo. A Nicole encántanlle os animais. Leva moitos libros de animais da biblioteca.

Biblioteca de aula

2010-11-01T23:40:00.003+01:00

Os de cuarto recibimos a visita dos de Infantil na hora de ler. Querían ver a nosa biblioteca de aula. Ensinámoslle os nosos libror favoritos, os nosos debuxos de "Paco", os libros que fixemos nós, e os libros de quenllas.
Os nenos pequenos querían saber porqué tiñamos tantos papeis de cores nos libros de quenllas, e nos explicámoslle que o facíamos para marcar as páxinas onde falan de tiburóns, e así atopalas antes.A profe regalóulles uns para eles.
Tamén nos pediron que lles prestaramos o libro de golfiños que fixemos o curso pasado.É normal, eles son a clase dos golfiños, e queren aprender cousas deles.

Fai unha cabaza

2010-10-31T22:01:00.004+01:00

Entra e fai a túa cabaza:

A Yoli gústalle...

2010-10-27T23:06:00.000+02:00

A Yoli gústalle

View more presentations or Upload your own.